تَباريح الشّوقْ

[عَلاَمَ]

لا تضوج !
تعال .. !
الليل .. السما .. ونجُومه
يَطلبونك برضى ولو ب حيله !
الكُمر وهو عالي
نوى رسم المعاني بعيونك الكِحيله !
,

 

[عَلاَمَ]

مكلتلك انت بروحك بلاد
ليش !
شبيك هاجرت وبترت يد وصال !
جنك اكسمت " ورب العباد " موب راد !
؟!
جنت يوميه آنطرك
وآسلي طريجي شو حلو طعم اللقى بعد غياب !
آنشد حدود العباد .. إيه .. هاي الجماد !!
إنشدها !
هاي علام جم ؟! مرت من هني
آكو حد خطاها بالثرى عاد ؟؟
؟!
,

 

[عَلاَمَ]

صفن شويات ، ثم نفض عنه بيدياته كتل الغبار !
وكال :
علام !
ي حلاي .. تراي انطرك من ايام
ماكو شي مهم ,
كود طرالي استفهام ؟
صج .. الورد شلون ينباس .(؟!)
,

 

[عَلاَمَ]

شلونه مساك ؟
زمن عن حزة الغروب وياك
متذكر !
علشباك الاماني دتلاهي خطاك خطاي
اشبعد عندك !
مشتهيت ، محنيت
ابالي اني اشاهد بسماگ
خيوط الشمس شلون تخط بجبين المسا وشم الوداعهه
متنسى! اليعشگ يتنفسگ هواه
شلون لعاد تهادت روحه وياك
,

 

[عَلاَمَ]

نِطرتك حِيل !
بس ممليت ، تصُور!
كاهي نواصيك تناصبت قبالي
جني بيدك اهتديت
جنك انته ضميت
جان النوارس تلعثمت
جن الهَوى صاح " بديت "!
,

 

[عَلاَمَ]

تَصدَّق !ْ
لمحتك طيف ! ب عِز الصًبح !؟
تِصُور، بس !
,

 

[عَلاَمَ]

,
ليه ..؟
الگمر مواعدنك على رفوف الهوى !
انته ونورهه بروحك .. الليل تسمُر
وآنّي اغدي بلياك .. خاليه !
مدري آني ! ؟ رضيتلي مبيت الجمُر !
تعال آنته والگمُر وهّم وياكُم رِص حّبات النچم ..
اعلمگ آنّي شلون هالسعاده گلبين تغمُر
,

 

[عَلاَمَ]

درب الهوى .. ماينقضي بين گلبين
ولو آني دربي .. عَصى ومانوى يطيع !
,