جوووووووود

[عادل الدوسري]

بسم الله أبدأ
::
::
جود ،، جودي لي من الله وانا مثلك ب اجود
مانبي يا مهجة الروح منك إلا الوصل !!

فورة الاشواق عندي تراها بلا حدود
والغرام اللي من اسبوع عيّا ما فصل

ملمس الخصلات في عرض وجنات الخدود
واعذابي من خدودك ومن ذيك الخصل !!

قلبي المجروح ما يدخله منك برود
رغم لوعات الليالي وكل اللي حصل

كلمة العذال لا شك لهّادة كبود
تفتح ابوابٍ من الشك لو ماله أصل

وش لقينا من وراهم مبيّحة السدود
كل ٍ يسنّ الخناجر و يبري له نصل

من يدوّر للنصايح من الوجه الحسود
مثل من يبغي العطر من ورا قشر البصل

الحظوظ القشر عيّت رغم بذل الجهود
والبخت الاقشر من العام عيّا يتصل

الحياة تفتّ حيل الذي يرقى سنود
والتعب مضمون لمن وصل او ما وصل

عادل الدوسري

 

[عادل الدوسري]

على فكرة هذه واقعة حقيقية عايشتها
لا أقول عشتها ولكن عايشتها!!!!!!

تحياتي

 

[شعور]

-

الدوسري :

وش لقينا من وراهم مبيّحة السدود
كل ٍ يسنّ الخناجر و يبري له نصل

من يدوّر للنصايح من الوجه الحسود
مثل من يبغي العطر من ورا قشر البصل


أتفق معاك ،
وعسى جود تجود مثل ما جدت بالقصيدة أعلاه
صح الله لسانك

 

[سيرين]

أي جووود وقد اختنقت منه الاوردة ظمأََ !!
قلادة من نور هوت هنا لنستدل بها عن واقعنا المؤلم
دمت لهذا الغدق شاعرنا المبدع \ عادل الدوسري
مودتي والياسمين

\..

 

[نادرة عبدالحي]

نجاح العمل الأدبي الإبداعي بلا شك يأتي من صانعه

سلمت يمناكَ شاعرنا الفاضل دمتَ بحفظ المولى ،

 

[قيصر الصخري]

قصيدة كالماء العذب،، تروي
...
دام هذا الابداع