[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,indigo" type=2 line=0 align=center use=ex num="0,black""]يشبـه الـورد ليلـى العامريـة=في هدبها غفت أحلـى أمنياتـي
كل ما أقفيـت تجذبنـي بشهيـة=كل مـا أقبلـت تتمنـى وفاتـي
صرت بإيدينهـا مثـل برديـة=تمطر ... ولفهـا تيـار عاتـي
والقلم طـاح مـن كفـي عليـه=وضاع صوتي قبل يوصل شفاتي
والمشاويـر صـارت سرمديـة=وين ما رحت تطوينـي جهاتـي
والشـوارع تضـج بعنجهـيـة=والمسافـات تسلبنـي حيـاتـي
أكتب الشعـر وأنسجـه بيديـه=لين أدمنـت ترتيـب أمسياتـي
كنت شاعر ولا عنـدي قضيـة=وادعـي كـل أعمالـي بناتـي
لين طـل البخـت فجـأة علّيـه=السمـا زلزلـت تحتـي فلاتـي
عيشتنـي بنكـهـة عاطفـيـة=بعثرتني وهـي تجمـع شتاتـي
شاعـر حـب هالبنـت الأبيـة=حب طاغي جمع نفسـي لذاتـي
فجّـرت ثـورة الأشعـار فيـه=وحرّكت في شرايينـي رفاتـي
والهوى نبع ... وفيّاضه عذيـة=والـورود الجميلـة مشتهـاتـي
يشبـه الـورد ليلـى العامريـة=في هدبها غفت أحلـى أمنياتـي
[/POEM]