ابشري بالفزعه يأم سعود

[سعد مسهوج]

بأسمي وبأسم المسكا خاصة وعنزة عامه انخى قبيلة شمر على عتق رقبة سعود العنزي
وجزاهم الله عنا كل خير وهذه القصيدة اهداء( لأم سعود ) بعد ما سمعتها تنخى عنزة على قناة الخليج.






[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام يأم سعود والشاعر شعوره راس مال=حامل وصاة إمن العجوز تقول رييح بالها
يوم إن كل اميمتن تغفى على روس العيال=صارت آتوجد كل ما شافت ثياب عيالها
يا وجودي كل ما يخطر على بالي سؤال=والاجابه حيل مره .. والحيل يرثالها
ويا وجودي كل ما تبرق عيوني للشمال=أكتظت همومي وسال الحزن من همالها
وسـّمت عشر وتنامى حالها بألفين حال=اسرفت فيني . . وعيا لا يهل هلالها
قالت: الله ثم ربعي يا سعد مابه مجال!=الصبر آدمى سنيني!! . . . فزعوا حلالها
قلت: ابشري يمه وانا ضاري على حمل الثقال=حنا لنا طوع الحديد .. ولين صم جبالها
كاني نخيت فلان والا فلان والا ال وال!=كل ن حدا من يمـّته[خيلي وانا خيالها]
يوم اقبلت (ذي قار) والعالم تهيا للقتال=جينا نسوق الروح والفزعة على منوالها
بأسم العروبة والعرب والله عليه الاتكال=لين انكسر كسرى بنكرا وانهزم بأذيالها
يوم العرب بأشدها والموت يقدح بالنبال=لا خيب الله جمعنا .. ولاخيب الله فالها
واليوم حقنن للدمى واجر ٍ يصوت لك تعال=والاخرة توقف على الدنيا وطيب اعمالها
تكفون..راحت من ورا عمْه وطوحت العقال=وتكفون..راحت في ذرا شمر تعد افعالها
وتكفون..ضاقت بالوسيعة والوسيعة ضيق بال=وتكفون..من حرقة ضناها صوتت بأهوالها
.
.
سلام..يأهل الخير واهل الطيب وعيال الحلال=سلام..ياشمر ليا شمر عقيد إرجالها
سلام ياهل الجود والماجود وعلوم ن تقال=وسلام يالجربا ..ويا مرسي جميع احوالها
سلام يا (عبده) ويا مصنع مناعير الرجال=يا من لكم بين المواقف والعلوم إجزالها
وسلام يا (اسلم) يا اطيب إمن العذق واحلى من الزلال=يا ارتال .. لا صفت ..عجزت احصي فعول ارتالها
وسلام يا (زوبع) ليا قصرت مهمات الحبال=يا احبالها ..لا قصرت عند الظروف احبالها
يا شمر التاريخ و السنجار ومتون الخصال=يا شمر المركوز والمعزوز نسل اجيالها
يا شمر المجد المخلد يا وفى صعب المنال=يا ظلال لو شحت علينا الشمس حر اظلالها
.
.
انتم لنا .. وحنا لكم ..والمرجلة جسر الوصال=والعفو شيمة من شيمكم والشعر يسعى لها
ما جيت اجرب طيبكم وانهل من صفوف الدلال=يا كني اسمع قبل اجيكم يا (عنزي) حنا لها
والله ونعم والكايدة.. اقفت على درب الزوال=مدام (شمر) من وراها و (العنوز )اقبالها[/POEM]



.
.
.

اخوكم
سعد مسهوج العنزي

 

[عبدالحميد بن ناحي]

الله يجعلها بميزان أعمالك

ياسعد

شكراً لهذا الشعور

 

[صالح الضويحي]

انتم لنا .. وحنا لكم ..والمرجلة جسر الوصال
والعفو شيمة من شيمكم والشعر يسعى لها

راياتهم بيضاء ومواقفهم خالده ومآثرهم العظيمة عمرت التاريخ
وحفظتها صدور الرواة .. شمر قبيلة الشيم والقيم والمواقف النبيله



سعد مسهوج


في لغة الوفاء وصدق المشاعر
سجل الشعر وقفته بحضورا مؤثر
جعل الله ذلك بميزان أعمالك




تحياتي لك

 

[السندريلا]

جَميِلٌ اسْتِشْعَارنَا بِمَنْ حَولَنَا .. [ وَ ] تَسْخِيرُ اقْلامنَا
لِـ قَضَايَانَا الْمَلْمُوسَة ..

♦.
♦.

وَقْفَةٌ تٌحسَبُ لَكَ سَـ يُخلِدُ ذِكْرَاهَا الْقَلم فِيْ صَدْرِ الْشِعرِ ..
تَقْديريْ لِـ قَلَمكَ / انْسَانيَتكَ

~

 

[هنادي المطيري]

بارك الله فيك يا سعد
وجعلها في موازين أعمالك
نص شامخ يشبه قلبك يا علم

 

[محمد السالم]

جزاك الله خير والله يصلح الحال

والعفو عند المقدرة من شيم الكرام

 

[خالد السويلمي]

سعـد مسهوج

ماهي غريبه ولا جديده

أنت من ناس لها تاريخ بالشهامه

عزيزين الجار

ملجا الضعيف

مزبن الدخيل

قصيرهم ما يشتكي ناقص الكيل
..... ولا ينمشي به حق لو كان عايل
المسكا
فخر وعزّه
وأنت هنا ماأنت إلا رمزاً للشيمه والشهامه


وشمّر
الطنايا
كبار الصحون وساع الطعون

أهل نخوه
وأهل كرامه


شأنهم شأن أهل الشيم
من كافة العوائل والقبائل
من كل البشريه
وممن يتحلون بالانسانيه


سعد


جزاك الله خير الجزاء
إنسان ياسعد

 

[سعد مسهوج]

عبدالحميد


الله يجزاك خير



شكرا لرقي حضورك وتعقيبك




حياك الله