[poem="font="arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعال نسهر سوى ياسيّد السهره=السهره اللي ماتحيي مالها داعي
تعال عالج خفوقٍ زاد به قهره=تعال شفني وشف دنياي وأوضاعي
القلب كلّه حزن والنفس منقهره=والعين دمع الفرح في حجرها ضاعي
والليله الفرحه اللي قبل منصهره=عمّت بمجنونك اللي للغلا ساعي
هديّتك من حبيبك ورده وزهره=أجمل زهور الغلا بأشكال وأنواعي
اغصان شجرة قلوب الحبّ مزدهره=وربيع الاشواق حلّ بوقت مرباعي
كنت أتمنّى اللقاء في كوكب الزهره=كنت أتمنّى السهر يشرى وينباعي
كنت أحسب أنّ المحبّه قبل مشتهره=كنت أحسب أنّ أيّ واحد للهوى واعي
أثر الهوى يذبح الرجّال في دهره=والحبّ له مدخلٍ ما منه مطلاعي
الحبّ جدول وخفاق الهوى نهره=والحزن للروح مثل الناي للراعي
والله مااكتب قصيدي فيك للشهره=يكفيني أنت اتعرفني ياأروع ابداعي
والسهره اللي ماتحييها ماهي سهره=لو القمر طلّ فيها مالها داعي[/poem]