!! ..الــرســـالــــه .. !!

[جزاء البقمي]

السلام عليكم ..


لكم احبتي بعد غياب .. على امل ان تجد مكان في قلوبكم الطاهره !!


**

مدخل / ..

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

باسم الوفا .. والعاطفه .. علقتني !! = لين اعترفت : ان الغلا والوقت لك !!

مستنزف ٍ قلبي .. ولا غلقتني !! = واخاف من كثر اشتياقي .. اقتلك !!

اكذب عليك ان قلت لك : ما اقلقتني !! = واكذب عليك ان قلت لك : ما اشتقت لك !!

لكن : على كف الجفا ..( زحلقتني ) ..!! = ولولا .. ( غلاتك يا حلو ما ضقت لك ) !![/poem]



**


[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


راح ليل الشعر .. مابين المعاني والجزاله !! = في عيون الشعر .. دور الحرب بارود وسريه !!


شعر شاعر بالمشاعر شاع شعره واستواله !! = كيف ماجات القوافي .. جرّها بالسامريه !!


اتزان الحظ واضح .. لو بدا عيب اختلاله !! = وانحلال الوصل جارح .. لو بدا سن الثنيه !!


ماتت عروق العنب .. والتوت يرثي مابقاله !! = والنهايه فــ / البدايه والحكايه سرمديه !!


انجرح وجه المسا .. والكون يصرخ من خلاله !!= وانتحى فكر .. ونحى من دون مضمون القضيه !!


النقا روح التقا .. عند الشقا وإلا زواله !! = والاوادم لو تنادم .. مابقى نفس ٍ شقيه !!


والعيوب ذنوب .. والجاني على راس العداله !! = والحروب دروب .. صوب الموت ويدين المنيه !!


والجفا بعد الوفا بعد الصفا جرح ونكاله !! = والامور تدور من قبل العصور الاوليه !!


حسب تقدير الاله المعتلي رب الجلاله !! = خالق الخلق ومليكه عالم السر وخفيه !!


والرضا حين القضا بالمقتضا شرط ودلاله !! = والعفو عند اقتدار المرء من طيب السجيه !!


والهوى لامن ضوى ماله دوى ياشين فاله !! = راعي الحب ودروبه ماتجيب الا الاذيه !!


وافتراض الاعتراض أدى الى سرد المقاله !! = والحقيقه : مابقى غير الحروف الابجديه !!


اسمعوني .. وافهموني .. وصلوله ذا الرساله !! = كان باقي للهوى .. ( في قلب محبوبي بقيه ) !!


علموه : اني شربت الحب من صافي زلاله !! = وعلموه : اني نذرت العمر من اجله هديه !!


وعلموه : اني سكرت من الهوى حد الثماله !!= وعلموه : انه جعلني عن هجير الشمس فيه !!


وعلموه : انه كتبني شعر في دفتر خياله !! = وعلموه : انه وضع شمس المحبه في يديّه !!


وعلموه : انه غزى الخفاق وأسرف باحتلاله !! = وعلموه : انه تمكن بالحشا وال الرعيه !!


وعلموه : انه عطاني وعد في مقبل لياله !! = مايروح ..ولا يبوح .. ولو تفوح الشاذليه !!


وعلموه : اني ابسهر في رجا دق اتصاله !! = وعلموه : اني برجوى يا هلا يالله حيه !!


وعلموه : اني احبه حب ما يخطر في باله !! = وعلموه : اني احب مشاهده لو هي شويه !!


وعلموه : ان القصايد من يمينه في شماله !! = فدوة ٍ لعيونه الثنتين مع عطر التحيه !!


وعلموه : ان المشاعر كلها مني حلاله !! = وعلموه : ان الخوي دايم على هقوة خويه !!


علموه .. وفهموه .. وصلوله ذا الرساله !! = والوصيه وسط مظروف الغلا نص الوصيه !!


شاعره لو غاب مادور على شخص ٍ بداله !! = مال لغيره في خفوقه شف وإلا قابليه !![/poem]



الله يحفظكم !!


**


مخرج / ..


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على كثر صدك .. وقل اهتمامك = فيك ( الرجا ) ماهو بمقطوع .. دايم !!

يا غايب ٍ عنّي .. ذبحني .. غرامك = ومن طوّل الغيبات .. جاب الغنايم !![/poem]

 

[عبدالعزيز سحل]

وعلموه : اني سكرت من الهوى حد الثماله !!
........................... وعلموه : انه جعلني عن هجير الشمس فيه !!

جزاء البقمي

نص اكثر من رائع يروي الذائقه

مودتي

 

[قايـد الحربي]

جزاء البقمي
ـــــــــ
* * *


كُلّ الترحيْب بكَ يطيْب .

:

الرّسالَة بَالغَة الوصُوْل ، مُوْصِلة البَلاغَة ..
حَمامُها الزّاجل : عَاجِل الشّعر غَيْر الآجِل ،
أمّا المَناجِل ، فَتَحرثُ الرّوح بالنّبض ليُثمِر القَلب وَ يُجنَى الحُبّ .

[ جزاء البقمي ]

اسمٌ لا يَحضُر إلاّ بِمَهيّة الشّعر وَ أهمّيّته ،
لذَلك كَان لغيَابهِ مَا يُكْثر العُتْبَى ..
فَإنْ غَاب رَجينَاه وَ إنْ حضَر شَكرهُ الشعر وَ شَكرنَاه .

 

[عبدالله العويمر]

جزاء
تَجيء ُ بِالمَطَر والثّمَر
الرّسَالَه كَالغَيْث وُصُولُها بَهْجَة وفَرَح

جَمِيْل ، وأكْثَر

 

[محمد السالم]

جزاء :

بالطبع إذا حضرت حضر الشعر


والجمال


لك التحيّة

 

[جزاء البقمي]

المشاركة الأصلية كتبت بواسطة نومان سحل

وعلموه : اني سكرت من الهوى حد الثماله !!
........................... وعلموه : انه جعلني عن هجير الشمس فيه !!

جزاء البقمي

نص اكثر من رائع يروي الذائقه

مودتي

الغالي


نومان







مرورك يثلج الصدر



لك تحيتي

 

[الجفول]

رائعه تلك الرساله وأن ما أفهمتها أسمحلي ترى مابها طب

جزاء البقمي من الأسماء العالقه بالذاكره

نص رائع الي أبعد مدى
أخي جزاء ربي لا يحرمنى هالحضور وهالشعر الصادق والرقراق كعذوبة الماء الزلال


تحياتي وأحترامي

أختك

 

[جزاء البقمي]

المشاركة الأصلية كتبت بواسطة قايـد الحربي

جزاء البقمي
ـــــــــ
* * *


كُلّ الترحيْب بكَ يطيْب .

:

الرّسالَة بَالغَة الوصُوْل ، مُوْصِلة البَلاغَة ..
حَمامُها الزّاجل : عَاجِل الشّعر غَيْر الآجِل ،
أمّا المَناجِل ، فَتَحرثُ الرّوح بالنّبض ليُثمِر القَلب وَ يُجنَى الحُبّ .

[ جزاء البقمي ]

اسمٌ لا يَحضُر إلاّ بِمَهيّة الشّعر وَ أهمّيّته ،
لذَلك كَان لغيَابهِ مَا يُكْثر العُتْبَى ..
فَإنْ غَاب رَجينَاه وَ إنْ حضَر شَكرهُ الشعر وَ شَكرنَاه .

قايد



بعد هذا الرد الرائع والراقي ..



لا استطيع الا ان اقول :



دمت لقلب اخيك ..



لك تحيتي