الحبّ الغني...!

[رضا الهاشمي]

من خافقٍ مسكين كيف الحال يا الحبّ الغني؟
إنته على هالبال ما عنّه تلاشت صورتك

هيّا تعالي و اسقني كاسات خمرٍ وانثني
واتمايلي حتّى يداعب ناظري تنّورتك

ماكل خمر ٍ خمر و اللّي ما عشق ما ايلومني
يا السّاحر اللّي ما تفارق صورتي بلّورتك

الشّوق شاطي كلّما موج الحنين ايمرّني
يمسح رسم حبنا و ما يبقى سوى قارورتك

عدّيت كورنيش الغلا قلبي وما عدّيتني
إلّا المياه اللّي تصبها في الحشا نافورتك

ونّان شوقي ما هدى من يوم غبتي ونّني
تكفين يالله ارجعي عالي صدى صامورتك

يا حبّ لا تفضح شعور الودّ..كلٍّ شافني
بوسة غلا ما تنغسل..تبقى على كندورتك

روحك أنا الحلوة أحس..كلٍّ بعينه صابني
إقرا الفلق والنّاس..لأنّي يا الغلا أمّورتك

قل للغلا يا قلبي المغلول لا لا اتفكني
و ارضى بعذاب السجن دام إنّ الجوى طامورتك

قلتي حبيبي..يا (رضا) تقدر حبيبي اتخونني..؟
قلت إنتي فعلا كوكبي واحساس نبضه دورتك

قالت تحبني و بدلع صدّت وقالت خلّني
قلت البشر إنتي..و أنا كلّي ترى معمورتك

يا (راوية)..من قبل أهداب العيون اتّلني
ذبحي خفوقي والعيون السود هي بارودتك..!

رضا الهاشمي