تجـيـن نغني لهفتنا ؟

[بدرالموسى]

( تجين نموت ؟ )


تجين نموت
تجين نغني لهفتنا
تجين نعيش جنتنا
تجين تسافري فيني
ومثل ظلي
تجين أسلمك كلي ؟
نعيش إحساس يجمعنا
فـ عالم غير هالعالم
وعن عالم
بعيد بعيد
نعيش نموت يا عيدي
وأنا عيدك
وأنا إيدي وسط إيدك
تجين أعيش في قلبك ؟
نجين آحبك آحبك ؟
تجين أتنفسك لهفه ؟
تجين بوسطها عيوني
تكون لطلتك شرفه
تجين أعيش بإحساسك
تجين تكوني لي أمي ؟
وأنا بكون لك ناسك
وأنا أنفاسك
أنا وياك نجمعنا
نصير عيون في راسك
وفي صدرك
نموت ونسكنه تابوت
تجين نموت ؟

تجين أرتب حروفك
وأبدد حزنك وخوفك
وأغنيلك
أبي صوتٍ يعبر عن شعوري
وأبي أتفنن بدوري
وأبي أسمعها بشفاهك
أحبك حيل [ بدوري ]
أبيها جمله حصريه
بس ليّا
وأبد ما تكون مقيوله
وأبي تطربني أنفاسك
وأبينا نموت
أبينا نموت ونغني
وأبي صوتك
وأبي صمتك
وأبي هالخجل يغريني
ويجبرني
ألامس حمرة خدودك
يا خجوله

يا خجوله
أدري بإحساسك تجاهي
وأدري عن كل شي عيونك ودها تقوله
ودها تسرقني عيونك
آه وأعشقها عيونك
هالخجوله
يا خجوله
قولي أكثر
أحكي أكثر
أكثر أكثر
ودي أسمع بك حكايا
ودي ألقى بك دفايا
ودي لو غمضت عيني
شفتك معايا
ساكنه في وسط عيني
وأرجع أغمض عيوني
ما يشوفك شخص ثاني
لو ثواني
حتى أمك
ما تشوفك
وحدي من لامس كفوفك
من شبك بين الاصابع
من لقى بين الأصابع حب ضايع
إلتقى في وسط شارع
حب خبته السنين
وإلتقو بعد السنين
بعد الحنين
بعد ما نعرف بعضنا .. من بعضنا
من بعد ذيك السنين
ترجع تبين
ويرجع حضورك
بعد ما كان غايب
لا ابد ما كان غايب
كان حاضر وسط صدري
كنا حبايب
ونبقى حبايب
لو يموت الشوق فيني .. صرت ذايب
ذايب أكثر في عيونك
في وطن أسكن أمانه
ويسكن أماني
ما أفارقها ثواني
ونرجع نغني
عن شعورك
عن شعوري
نرجع نغني
أبي صوتٍ يعبر عن شعوري
أبي صوتٍ يعبر عن شعوري