ســما العشــاق

[بدرالموسى]

الحكاية
تبتدي بك .. لا بديت
والنهاية
ينتهي بك .. صيتها



تدري اني في غيابك
ما نسيت
امشي لذكرى لقانا
وجيتها



من صباح الله
على صوته صحيت
نادت إسمي و... بـ هلا
[ لبيتها ]



أذكر إني في غرامك
لا قسيت
إن غفت ..
جيت بهدا [ صحيتها ]



إن عطشت ..
اشرب حروفك .. وارتويت
وإن ضمت ..
[ صبيتني ] وأرويتها



وإن ذكرت ..البرد
بـ [ أنفاسك ] .. دفيت
دون مدري
جيت ثم ... ضميتها


من سوالف [ عطرك ]
اليوم .. انتهيت
جيت لأطراف العطر
[ شميتها ]



جيت .. [ كلي ]
مندفعلك ...
وارتميت
حتى عيني لل [ ..... ]
أهديتها



دام قلبك صار [ لي ]
منزل ..
وبيت
مو غريب إن [ قلبي ]
صاير بيتها



يعني [ آخذها ]
بيدها وارتقيت
في سما العشاق
ثم .. [ لميتها ]



كل هذا ..
يعني انك ما دريت ؟
في حضورك ...فرحتي
مشيتها



من مكانك ..
لين توصل [ للكويت ]
المسافة لو بيديني
ألغيتها



باختصار ..
اني بهـ [ الحب ]
... ابتليت
صرت [ عاشق ] جيت
وإحتليتها



صرت [ هايم ] في هواها
واعتليت
[ راية ] الحب الوفي ..
عليتها



إن كتب ربي
أنا أعلنها ... نويت
إن [ بنتي ] لو تجي ...
سميتها


بـ [ اسمك ] اللي لا نطقته
انتشيت
كلما اشتقت الهوى ..
ناديتها



الحكاية ..
قلتها في كم
بيت
والنهايه
بـ قلبي باني بيتها