رطب لسانك بذكره .. قصيده دينيه

[محمد عبد القوي حسن]

انا عايز اكتب قصيده
مش زى باقى القصايد
قصيده حلوه وجديده
الحب والخير فيها زايد
على درب اخضر وليده
توصل لكل الخلايق
الخلق بيها سعيده
وتفك كل المضايق
انا نفسى والله وربى
قادر يحقق مرادى
اهدى لقصيدتى فى حبى
داقصيده ماهى عادى
لو يوم دعتنى البى
واوهب دمايا لبلادى
وفى شعرى اتمنى اخلص
قلبى وضميرى لالهى
ولا مره ولامره احبس
جوايا شىء عنه ساهى
شىء راح يضر البشاير
ليه طب ياخينا تشيله
خليك على الدرب ساير
درب الهدى لو تجيله
تتحل كل المسائل
تحمد وتشكر قليله
خضر مزارع فؤادك
بالذكر راح يحلى زادك
بالتقوى هاتنول مرادك
واسعى وصالح مخاصم
او فك ضيقة لاخوك
الزاد اذا مره عادم
حط له ملحك بذوق
اسلك طريق المعالم
تدخل جنانك مريح
المولى بالخلق عالم
لو تعبده تستريح
رطب لسانك بذكره
الكون فى عينك فسيح
مااحلى العمل فى التلاوه
والحفظ قران مجيد
اقفل ببان الشقاوه
واحفظ معانا النشيد
اناشيد معزه ومجد
اناشيد طهاره وصلاة
بالحب والخير وود
لينا تغنى الحياه
مااحلى التضامن فى وحده
مااحلى التحام الكتوف
ليه القلوب تبقى جاحده
واحنا فى وسط الصفوف
نادى الاله فى نداه
طالعه الخلايق الوف
بالذكر تحلى الحياه
قرب معانا وشوف

* * *
واذكر لحد الشروق
تسكن فى قلبك وداعه
صلى الضحى يله دوق
والضهر اوعه يفوتك
وتقول عملنا عباده
ربك يجيب لك فى قوتك
لو تعبده الخير زياده
والعصر ناداك تعالى
صليله ريح ضميرك
اوعاك على الخلق تتعالى
القبر هايكون مصيرك
رطب لسانك بذكره
م العصر حتى الغروب
المغرب اوعه يفوتك
ماتتهش بين الدروب
اختم صلاتك عشاءً
واشفع واوتر ودوب
بين ترتيلات انبساطك
متع رياض القلوب
نم مستريح طهورا
واقرى فى سرك ايات
وصفى صدرك ونفسك
دايما وصالح فى ربك
ماتعولش هم الطعام
صلى وافشى السلام
ماتقولش مين للعيال
داللى خلقهم رزقهم
ماتخفش م الليل لو طال
الشمس لازم تجيلهم
ولاتجرى دايما ورى المال
دالمال نهايته الوبال
والشهوه فيها المزله
والغيبه والفتنه ازلال
والرحمه من المولى طاله
علينا واحنا ساجدين
والبشرى من عنده هاله
علينال واحنا راكعين
قوى عزيمتك بفكره
عمر قليبك بنوره
تملى طريقك عطوره
القوه منه تجيلك
والعزه تصبح طريقك
والشمس طالعه بقوه
والقمره تاخد بايدك
والبحر والزرع والطير
الكون جميل كله خير
الكل مخلوق عشانك
والمولى على فى شانك
خد مصحفك فى احضانك
لله وعدى فى سرور
وادعيله راح يستجيب
اوعاك فى يوم راح تغيب
انسى جروحك ونوحك
بالتقوى لازم تطيب
بالتقوى لازم تطيب
بالتقوى لازم تطيب

 

[قايـد الحربي]

:
:

محمد عبد القوي

يأخذ الشعر من يديه إلى أطهر وِجْهة ،
فيأتي محملاً بالنصيحة والحكمة -وإن كنت لا أراهما من الشعر- إلا أنهما صيغا صياغة الشعر..
فوجب الشكر والعرفان.

 

[سيرين]

الله الله عالطرب
معزوفة ترنم بها البهاء واحتفى بها الشعر
دمت غدقا شاعرنا المبدع
مودتي والياسمين

،،

 

[سعيد الموسى]

-

رائع وجميل يامحمّد - ياإبن النيل

 

[محمد عبد القوي حسن]

المشاركة الأصلية كتبت بواسطة قايـد الحربي

:
:

محمد عبد القوي

يأخذ الشعر من يديه إلى أطهر وِجْهة ،
فيأتي محملاً بالنصيحة والحكمة -وإن كنت لا أراهما من الشعر- إلا أنهما صيغا صياغة الشعر..
فوجب الشكر والعرفان.

كل التحية والعرفان بالفضل والجميل لحضرتك وانت القائد الذي يتمتع بالروح الحلوة الجميلة المشجعة .. اعزك الله وحفظك ووفقك واكرمك وابعد عنك كل سوء اخي الحبيب .. دمت بود

 

[محمد عبد القوي حسن]

المشاركة الأصلية كتبت بواسطة سيرين

الله الله عالطرب
معزوفة ترنم بها البهاء واحتفى بها الشعر
دمت غدقا شاعرنا المبدع
مودتي والياسمين

،،

الاختت الفاضلة الكريمة المحترمة المبدعة المتميزة .. اشكر لك مرورك الراقي واشكر كل ماتقومين به من اجل ازدهار منتدانا الحبيب علي الساحة .. شكرا لك

 

[محمد عبد القوي حسن]

المشاركة الأصلية كتبت بواسطة سعيد الموسى

-

رائع وجميل يامحمّد - ياإبن النيل

الاروع والاجمل وجودكم بيننا اخي الحبيب المبدع المتميز .. اعزك الله ياغالي