أقـص عـروق قـلبي مـن منـابتـها مـن ( أي ) ذراع !!!

[اورنس الهذال]

حيــن .. يتوّج الحُــب ..!

لك (إ)شعور المعاني .. قبل تطلبها تجي و تنصاع
...ولك (إ)شعور الحروف ان مابدت لك .. شوق وجداني!!

اقص عروق قلبي من منابتها ..من أي ذراع!
... اذا ماجت لك حروف القصيد بروح ديواني

انا روحي تسليها ..بقربكـ (والعيون جياع.! )..
... (احبك قبل مااشوفكـ .!) .. بروحي وانت أوطاني

قبل لا أعيش بحضورك .. ملكت من الوطن أوجاع
... وبعد ماعشت بحضورك .. رويت عروق ودياني

ابي قربكـ ..على كل البشر وإلا الصدور وساع
...وابيك تكون .. في حبكـ تكررني وتقراني

وخذ مني .. خفوق(ن) عاش بالدنيا بليّا إمتاع..!
...وخل نعيش عن كل البشر .. وتزين ألحاني

خفوق(ن) قبل تسكن به .. وحيد وللهوى ملتاع
...ابيك تعيش به .. تبني جديد عروق شرياني .!

وابي حزن(ن) تملكني يغيب ولاله أية داع
... وأبي انسى معك كل البشر والناس تنساني .!

كذا .. نبني محبتنا ..( هوى ) وافرد له الف شراع
... نعيش إمن السعادة والفرح .. وتموت عدواني

ياتاج الحب .. واحساس القصيد .. وطلبت الطمّاع
... تعال املك معانيها .. ياروح العشق وإيماني

لشوفك ابني قصور(ن) وابيع العمر كان انباع
... اماني ..داخلي تبنى على ساسي وبنياني

وخل اللي بقلبه حسد .. يجرب بوسة الأكواع ..
... وخل يموت من غيضه .. لاشافكـ إنت عنواني

( نذر ) ... لو مابدت فيك المشاعر والقصيد انصاع
... اقص عروق قلبي من منابتها .. بشرياني

لكل من مرّ من هنــا .. قوافل من زيزفون ..

 

[أنثى جموح]

اورنس

أعتبر هالقصيده دستور حبّك
ومبادئك فيه كلها فيها ...
أو باقي أكثر...
فقلبك كبير !


صح بوحك الغالي

* حسد
في الصحاح ولسان العرب بفتح السين
ولكنها جاءت ساكنه في قاموس اورنس
هذال !

 

[ثامر البلوي]

*

ألله

سيمفونية حب رآئعه وأنيقه جداً وكـ أنها دستور الحُب

ألف صح لسآنك

أنثى الجموح .. يحق للشاعر مالا يحق لـ غيره (:

 

[أنثى جموح]

المشاركة الأصلية كتبت بواسطة ثامر البلوي

أنثى الجموح .. يحق للشاعر مالا يحق لـ غيره (:

ولو ؛
هذا الهذال , وأنت ثامر ...
وأنا مجرّد أنثى جموح : أُلاحِظكم !

 

[اورنس الهذال]

المشاركة الأصلية كتبت بواسطة أنثى جموح

اورنس

أعتبر هالقصيده دستور حبّك
ومبادئك فيه كلها فيها ...
أو باقي أكثر...
فقلبك كبير !


صح بوحك الغالي

* حسد
في الصحاح ولسان العرب بفتح السين
ولكنها جاءت ساكنه في قاموس اورنس
هذال !

أهلاً .. بكـِ أنثى جموح

شاكر ومقدر مروركـ .. العبق ..

وصح حضوركـ .. !



بالنسبه للصحاح .. فكما قلّتي أتى ذلكـ بالصحاح

وهنا أتيت بقاموس ..أورنـس
( هذال !) كما اسلفتي .!!



هذا من جهه


ممن جهه أخرى انا لا اتحدث الفصحى في الشِعر الشعبي !!

ومن جهه اخرى .. انا لا أنطق ( حَسَد ) بل أنطقها .. ( حِسْد )


وانا اكتب ما أنطق بــه



( !! )

 

[أنثى جموح]

الجميل أنك تكتب ما تنطق وكما تنطق !

وملاحظتي مجرّد بصمة إنتباه لا أكثر

 

[شذرة السيف]

.
.


قبل لاعيش بحضورك .. ملكت من الوطن اوجاع


الهذال اورنس


فوق