مانسيتك .. والله إني ما نسيتك

[عبدالملك البلوشي]

ما نسيتك والله اني مانسيتك
بس تناسيتك ثواني .. وما ذكرتك

وليه اذكر .. وانت في قلبي م بيتك!
وكيف اذكر .. وانا في قلبي حفرتك!

ما نسيتك والله اني مانسيتك
بس تناسيتك ثواني .. واختبرتك

وبان زيفك .. لا تقول اني سليتك
الهجر نعمه اليا مني هجرتك

ولو علي .. يا حبيبي .. ما هجيتك
ولو علي .. جبت لك عذر وعذرتك

بس لزوم العرف لازمني فديتك
اكتب الكلمة اليا مني خسرتك

يا كثر ما كنت محتاج وعطيتك
ويا كثر ما كنت مكسور وجبرتك

ويا كثر ما كنت ضميان ورويتك
ويا كثر ما كنت مغلوب ونصرتك

ويا كثر ما كنت مرخوص وشريتك

ويا كثر ما كنت مغمور وشهرتك

كنت اقول انك حبيبي .. واهتديتك

وكنت اقول ان الوفى فيك وذخرتك

كنت .. لكني حبيبي ما دريتك
تنكر العشره اليا مني انتظرتك

للأسف ارخصتني .. يا ما هجيتك!
تذكر العشرة وكيف اني غمرتك

بالفرح والطيب يوم اني لقيتك
وكيف كنت الجرح .. وبحبي طمرتك

وكيف كان الليل لا مني سريتك
وكيف كان الصبح لا مني سهرتك

وكيف كان الهم ف جفوني وهويتك
وكيف كان الجرح بضلوعي وسترتك

وكيف كنت صغير .. بيديني بنيتك
وكيف صرت كبير .. اجفيت .. ودمرتك

بس لو تذكر .. "عيوني" من بديتك

كيف كان الحلم .. يوم اني نذرتك

وللاسف حققت حلمي .. وما بكيتك

الا لني فاقدنك .. من هجرتك!

و رغم هذا .. لا تفكرني بغيتك

ترجعلي .. يا جعلني ما ذكرتك

بس بغيتك تذكر اني احتويتك

فترة قضيتها بيك وقبرتك

وجيت لك هاليوم .. يا ما احتريتك!

في حضوري واقف تموت بحسرتك

وصار لي هاليوم .. ليتي ما بليتك

في حضوري واقف تموت .. وخسرتك!
.

.

.

في حضوري واقف تموت .. وخسرتك!

 

[علي آل علي]

عتاب رفرف بأبيات كانت كاتمة الأسى لتخرجه كالنعي تماما
صح لسانك ولا هنت

 

[عبدالله سماح المجلاد]

المشاركة الأصلية كتبت بواسطة عبدالملك البلوشي

ما نسيتك والله اني مانسيتك

بس تناسيتك ثواني .. وما ذكرتك

وليه اذكر .. وانت في قلبي م بيتك!
وكيف اذكر .. وانا في قلبي حفرتك!

ما نسيتك والله اني مانسيتك
بس تناسيتك ثواني .. واختبرتك

وبان زيفك .. لا تقول اني سليتك
الهجر نعمه اليا مني هجرتك

ولو علي .. يا حبيبي .. ما هجيتك
ولو علي .. جبت لك عذر وعذرتك

بس لزوم العرف لازمني فديتك
اكتب الكلمة اليا مني خسرتك

يا كثر ما كنت محتاج وعطيتك
ويا كثر ما كنت مكسور وجبرتك

ويا كثر ما كنت ضميان ورويتك
ويا كثر ما كنت مغلوب ونصرتك

ويا كثر ما كنت مرخوص وشريتك

ويا كثر ما كنت مغمور وشهرتك

كنت اقول انك حبيبي .. واهتديتك

وكنت اقول ان الوفى فيك وذخرتك

كنت .. لكني حبيبي ما دريتك
تنكر العشره اليا مني انتظرتك

للأسف ارخصتني .. يا ما هجيتك!
تذكر العشرة وكيف اني غمرتك

بالفرح والطيب يوم اني لقيتك
وكيف كنت الجرح .. وبحبي طمرتك

وكيف كان الليل لا مني سريتك
وكيف كان الصبح لا مني سهرتك

وكيف كان الهم ف جفوني وهويتك
وكيف كان الجرح بضلوعي وسترتك

وكيف كنت صغير .. بيديني بنيتك
وكيف صرت كبير .. اجفيت .. ودمرتك

بس لو تذكر .. "عيوني" من بديتك

كيف كان الحلم .. يوم اني نذرتك

وللاسف حققت حلمي .. وما بكيتك

الا لني فاقدنك .. من هجرتك!

و رغم هذا .. لا تفكرني بغيتك

ترجعلي .. يا جعلني ما ذكرتك

بس بغيتك تذكر اني احتويتك

فترة قضيتها بيك وقبرتك

وجيت لك هاليوم .. يا ما احتريتك!

في حضوري واقف تموت بحسرتك

وصار لي هاليوم .. ليتي ما بليتك

في حضوري واقف تموت .. وخسرتك!
.

.

.

في حضوري واقف تموت .. وخسرتك!

ياعبدالملك أنت تعزف بريشة فنان ونحن نعشق هذا العزف حدّ الترف
لله در الشعر في فيافيك المخضرّه فأمثالك لايعرفون القفار التي يعتريها الجفاف أبدا
لأن مطرك عن أرض القوافي لاينقطع وَصْلَهُ وصِلَتُه

 

[بدرية البدري]

عبدالملك البلوشي ..

أهلاً بنبض الشعر

تقديري

 

[عبدالله العتيبي]

الشاعر الرائع

عبدالله البلوشي .. مرحباً ..

صح بدنك ملحمة وجدانية أكثر من جميلة

بياض وربي ..

سلمت ولا ندمت

 

[عبدالملك البلوشي]

المشاركة الأصلية كتبت بواسطة علي آل علي

عتاب رفرف بأبيات كانت كاتمة الأسى لتخرجه كالنعي تماما
صح لسانك ولا هنت

صح بدنك أخوي

اتشرف بمرورك الغالي على حرفي المتواضع

لك الود

 

[عبدالملك البلوشي]

المشاركة الأصلية كتبت بواسطة عبدالله سماح المجلاد

ياعبدالملك أنت تعزف بريشة فنان ونحن نعشق هذا العزف حدّ الترف
لله در الشعر في فيافيك المخضرّه فأمثالك لايعرفون القفار التي يعتريها الجفاف أبدا
لأن مطرك عن أرض القوافي لاينقطع وَصْلَهُ وصِلَتُه

شكرا لك اخوي عبدالله سماح على هذا الفيض والإطراء

لك كل الود

 

[عبدالملك البلوشي]

المشاركة الأصلية كتبت بواسطة بدرية البدري

عبدالملك البلوشي ..

أهلاً بنبض الشعر

تقديري

شكرا لك أختي بدرية

تحياتي لروحك الغالية