احلى واغلى ثلاث

[سعد مسهوج]

.
.
.

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا احلى ثلاث سنين من عمري=واغلى ثلاث بعمري الباقي
يا ادفى حضن يشتاق له صدري=واكثر غيابه عذر لأعناقي
مثل ما كان لغيبتي عذري=يشوف نار الشوق بأحداقي
والا يشوف اشلون في حبري=تنقش بياض ايدينها اوراقي
قبل ضيوف الليل ما تسري=على موسيقى حزني الراقي
لحظة فرحها كل ما يطري=خيال وجهك لحظة اغراقي
لو يبتسم يرسم على فجري=فرحة افول الليل وأشراقي
ولو ما يقول لـ ساعتي بدري=دمعة شعوري تسبق فراقي
اذبل ويذبل داخلي زهري=وبلا شعور استعطف الساقي
او اتخيل كيف لو يدري=والا وهو يستعجل الحاقي
اسرح معه يقودني فكري=للضيق والعبرة على ازهاقي
لين اكتشف في بلوتي ندري=واصر في ندري على احراقي
يبا الفراق يعشعش بطهري=ولا مقولة يمكن يلاقي
مهما انكسر ما ينكسر ظهري=ولا تضيق بيوم افاقي
صحيح صرت اتنفس بقهري=وبالدمع طالت فترة انفاقي
لكن قسم بالله من صغري=وانا الوفا والطيب ميثاقي

[/poem]

.
.
.

اخوكم :

 

[جُمان]

سَعد مسهوج ..
الشِّعرُ مَعك جِنانٌ مُترفة وَسماواتٌ تعتَمِرُ الغَيم
تُفصلها على مَقاسٍ يتناسَبُ وإحساسَك الواسِع

شُكراً كثيراً
.
.

 

[عبدالعزيز سحل]

سعد مسهوج

شعر يكتب شعر

واعتزاز بالنفس .. جميل .. للثقه بما تحمله هذه النفس

مودتي

 

[سعد مسهوج]

اقتباس:المشاركة الأصلية كتبت بواسطة جُمان

سَعد مسهوج ..

الشِّعرُ مَعك جِنانٌ مُترفة وَسماواتٌ تعتَمِرُ الغَيم
تُفصلها على مَقاسٍ يتناسَبُ وإحساسَك الواسِع

شُكراً كثيراً
.
.

هلابك اختي شكرا لك هذا من ذووووقك


احترامي

 

[سعد مسهوج]

اقتباس:المشاركة الأصلية كتبت بواسطة نومان سحل

سعد مسهوج

شعر يكتب شعر

واعتزاز بالنفس .. جميل .. للثقه بما تحمله هذه النفس

مودتي




نومان يابعدي تسلم والله لا يهينك


احترامي

 

[سعيد الموسى]

هذه المرة ياسعد


أود تقبيل جبينك على هكذا شعر شعور ,


على هكذا صدق صدوق ,



دمت ياودق

 

[سعد مسهوج]

المشاركة الأصلية كتبت بواسطة سعيد موسى

هذه المرة ياسعد


أود تقبيل جبينك على هكذا شعر شعور ,


على هكذا صدق صدوق ,



دمت ياودق

فديت قلبك يابو موسى

الله لا يهينك يالغالي

رايك وحضورك شرف

 

[ميــرال]

يا ادفى حضن يشتاق له صدري
ــ اكثر غيابـه عـذر لأعناقـي
مثل ما كـان لغيبتـي عـذري
ــ شوف نار الشـوق بأحداقـي

مع هذا الدفء لن نشعر ببرد مساءتنا
كل الشكر ياسعد لمنحنا المطر والشعر