رباعيات!!
مدخل!!
اعتبرني حلم شفته
في منامك
واختفى!
قبل ماتصحى عيونك
راح في جفنك
غفا!
الحلم والمنفى!!
تعب دنيا ..المواجع ..ياعلي حظي..تناقص بي
أشوف الناس تستوطن وانا المنفي بذا المهجر
أسافر من بلاد الخوف..الى عالم.. تراخص بي
يبيع ..الحلم ..لعيون ..الفقارى ..كثر...ما يقدر
انا المنفي ..واذا قامت..شياطيني .تراقص بي
اصير ..الحلم ..والمنفى..اصير الحبر.. والدفتر
احب الفلسفه والشعر وهذا المنطق ..الخصبي
اغرد ..والوطن ..منفى اغرد ... والسما .معبر
خارج المدار
ياطير ياشادي بعذبات ..الالحان
دام. الفضاء ملكك رفيع ٍ ..وقارك
وش.نزلك .للقاع ياطير الاشجان
لاصرت فوق الأرض.تفقد قرارك
حزين شفتك .بين. كفين. سجان
قص الجناح.اللي يحدد مسارك
انسان.فاقد .للمشاعر. والاحسان
ياطير غرد.وانت خارج.. .مدارك
فصيح النبط
ممنون..كلي..بعد .. والنفس. لك شاكره
علمتني درس واحد في زماني صحيح
ومرت.. سنين ..العمر ..لازلت..انا فاكره
اللي .انكوى .بالغدر. مازال.. قلبه جريح
ناس ٍ..كريمه ..وناس ٍ... بالفعل.. ماكره
تظهر .. وجيه ٍ..خبيثه في قناع ٍ.مليح
اشيا...كثيره. صور.. محفوظه بالذاكره
وابيات..شعر ٍ كتبته..بالنبط. والفصيح
غربة الايام
ترى بعض المواقف لوتجرب ينفتح لك.باب
بعد .فتره .تشوف .ابواب بالاصفاد .مقفوله
تقول ان الأمل صوره جميله ماعليك عتاب
تصير الأرض .بعيونك من الاحباب. ماهوله
تواجه غربة ..الايام . بوجه ٍ مبتسم جذاب
تأكد. من عيون الخلق. تنظر فيك . مذهوله
تطلع بالسما أحلامك تغادر كالحمام اسراب
تخلّت ودعت .عمر .الشقا .والحزن .بسهوله
مخرج!!
ماقلت لك وضعي
غريب
لاتعتبرني لك
حبيب
انا مجرد ضيف
مرك زياره
والضيف له يومين
والثالث يغيب!!
محمد_الثوعي
آخر المشاركات
10-12-2021, 12:01 PM
رباعيات!!
العرض الشجري