ماعاد يمشي سستمي مع سستمك فيه أختلال===وخرب برستــيج الفتاه اللي تهاب اظلالها

[أحمد العارضي]

بسم الله الرحمن الرحيم

عوده بعد الغياب
قصيده متواضعه لنيل الرضى والتواصل مع ذائقتكم الراقيه
,
,
[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه غنيت وسهيل اليماني لايزال=في عيني أقرب من جناح عمامتي وعقالها

اليا طرقت الشعر غنيته وحققت المحال=والشعر ما غير حياة أهل الشعر وأحوالها

تصتك في صدري ركاب الضيق من جال ٍ لجال=جتني بلا موعد وحطت فالخفوق رحالها

ماهي بضيقة حال ولا ضيقة ٍ من نقص مال=لا والله ألا ضيقة ٍ تحتالني وأحتالها

سيقت عليه من كفوف البارحه سوق الدلال=ياليلة ٍ قامت على الشاعر تسوق دلالها

وإن قلت لا لا بس قالت هاك ياولد الحلال=والله لتشرب دلة الضيقه على فنجالها

يابنت لا هبت علي الريح من صوب الشمال=وش عاد لا قالو يشوف الضيقه ويعنالها

حتفي على كتفي حملته والغلا حتى الثمال=لين السنين القاسيه حطت علي أهوالها

وأضحيت أغني ياسقا الله كل يوم ٍ فالوصال=قبل الضروف تحول بين العارضي ووصالها

يوم الغلا يدفعك لحدود التمني والخيال=ماكنتي إلا روحي اللي فالعظام أشتالها

واليوم غرك في زمان العولمه كثر الدلال=النت والجوال وآخر ما صدر فأجيالها

وتناسق الفستان مع لون الجدايل والنعال=وتناسق المكياج والنظاره وجوالها

والحفله ودق الموسيقه وانحلالات الحبال=وسواق كشخه فوق لكزس طالها من طالها

وأضحيتي أرقى سيدات العصر في ذاك المجال=وصار الغلا دقه قديمه فيك واعزالها

ماعاد يمشي سستمي مع سستمك فيه أختلال=وخرب برستيج الفتاه اللي تهاب اظلالها

يعني ماعاد أصلح لعصر العولمه في كل حال=وغلاي مايمشي على الموضه ولا يرقالها

وأمسيت أغني من ضروف الوقت يالاله يالال=أنا ضحيت طيشها وأسرافها وإهمالها

غنيت فيك أعذب طواريقي وغازلت الجزال=وأخترت لك من نقوة أفكار القصيد جزالها

شاعر عيونك لاوطاه الليل وضروف الهزال=أشعل قناديل الفكر من ضيقة ٍ يحدالها

شاعر ومتمكن ولا شال الثقال إلا الجمال=والله يخلي للحمول الكايدات جمالها

ماني سوات اللي على قول العرب روح وتعال=ولاني سوات اللي من السرحان زاد جفالها

العالم اللي غرها زيف المظاهر والريال=تطري عليه ضيعت البنقال مع بنقالها

اعطيك نبذه في فنون الشعر وأضرب لك مثال=وإن غرتك سود الليالي قولي أحمد قالها

والله لتحداك الضروف اللي ورى سود الليال=ثم تذكرين الشاعر اللي ضيقته غنالها [/poem]

 

[خالد الحافي]

حضر الشعر وحضرنا

لله درك

لافظ فوك ..

 

[أحمد العارضي]

خالد الحافي

حضورك شرف لي

شكرا لرقي اخلاقك

 

[ماجد العمر]

أحمد العارضي
شاعر يجبرنا على متابعته
ومتابعة حروفه
كل التقدير

 

[جُمان]

أحمد العارضي ..

عودةٌ حميدةٌ بالشعر الجميل ..

شُكراً وأكثر

.

.