نفس يعقــوب .. مصافحة بعد غياب

[ناصر آل مداوي]

السلام عليكم ورحمة الله وبركاته

مساء/صباح الخير

بعد غياب طوييييل يسرني ويسعدني ان اعود اليكم ايها الاحبة وكلي فخر وسعادة
واطرح لكم هذا النص ..وكم اتمنى ان ينال على استحسانكم
.
.
.

لا السـكّـر المكـتـضّ فـي كـل مشـروب
امـن الثـمـالـه ليـن عـنـق الزجـاجـة

لا المـلح كله فـي المبيسـم والاسـلـوب
رحـابـة الضـايـق.. وفـلـّة حـجـاجـه

لا الذكـريات المتـرعـه لوعـة قـلـوب
لا اخــر عـنـاق ٍ صـار.. لا اوّل مـواجــه

لا الودق لا اسْقى ضامي الغصن من صوب
ومن صـوب لا بِشـْر الغصـن وابتهـاجـه

مـن جـابني لك بيـن راضـي ومغصـوب
من سـار بي صـفـو الطـريق وعجـاجـه

جـيتك على وضـح السـنا ناصـع الثوب
مـثـل الـصـبـاح وطـلـّتـه وانـبـلاجـه

لا حـالك ٍ جـيـتـك ولا جـيتـك غـروب
لـيـل ٍ أفـل نـجـمـه.. وطـاف ٍ سـراجـه

يا دوب .. يا مـاضـي التعـالـيـل.. يا دوب
فـي ســاعـة ٍ مـا للـظــلال انعــواجـه

مـرّيت صـدفـه ثـم تـذكـرت مـاجـوب
وانـا عـريـب السـاس مـانـي خــواجـه

للـمـلـح والـعـشـره مـداهـيــل ودروب
غـبـّة وفـا راسـي وعـمـق اخـتـلاجـه

قلـت آتطـمـّن واخـذ اخـبـار محـبـوب
والبـّي المـحـتـاج بـعـض احـتـيـاجـه

يمكـنّه اذنـب لاجـل اكـفّـر لـه ذنـوب
والاّ عـلـيـل ٍ لاجـل اجـيـه بعـلاجـه

حـتـى لـو انّ الودّ قـد صـار مـضـروب
ما عـاد فـي المكنـون يلـقـى خـراجـه

هـذي هـي الحـاجـه وذي نفس يعقـوب
ياللـي تقـول بنفـس يعـقـوب حـاجـه