جف الغرام : مصافحة تعتذر عن غيابٍ طال

[محمد بن فرزان]

جف الغرام

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] جف الغرام ولابقى شي ينقال = كل الكلام اللي تقوله يعرّيك
تحطّمت كل المراكب والآمال = ( كذبك هلاكك ) بس ( صدقك ينجّيك )
يوم اعتبرتك بينهم مضرب امثال = تهت بزمانك يوم تاهت خطاويك
اغتلت حلم سنين وشهور وليال = قبل يشب الحلم شابت قوافيك
محبرتك اللي حبرها في يدك سال = وشلون ترجي من كسرها يواسيك
تلقاه يضحك بك على روس الاطلال = تعوّض الله فيه فيمن يعزّيك
ماباقياً مابيننا موجة ارسال = تذبذبت مع ذوبة الشوق بيديك
دربٍ مشيته في زمانك وتختال = لا قايلٍ ارجع ولاني مخاويك
بس اعتقد به شي واحد ولازال = يجعلني اغفرلك خطاك وبلاويك
والا الحكي ماعاد به شي ينقال = كل الكلام اللي تقوله يعرّيك
[/poem]

شعر / محمد بن فرزان

 

[علي الحسني]

حياك الله يامحمد والعود أحمد
مرحباً تراحيب المطر
سعداء بعودتك الأجمل وهذا الشعر العذب

شكراً لهذا الحضور الممطر

دام تألقك

 

[علي الحسني]

ملاحظة :
عند تنسيق القصيدة يظلل فقط نص القصيدة وينسق بمنسق الشعر وماعداه من كلام يترك خارج التنسيق لكي يتم التنسيق بنجاح

أطيب تحية

 

[أمجاد محمد]

نص مملوء بجمال
شكرآ لك

 

[محمد بن فرزان]

أخي : علي الحسني

هلا وغلا

شاكر لك مرورك العطر

وبالنسبة للتنسيق حنا ياخوك شيبان معتقين رايحين لنظام التنسيق القديم

لك الود والتقدير

أخوك : محمد

 

[عبدالله العويمر]

كـل الكـلام اللـي تقولـه يعـرّيـك


اهلا ً بالحضور والنور يامحمد

 

[وليد الفالح]

محمد بن فرزان
نص يستحق الأحتفاء
شكرا لهكذا حضور
تقديري

 

[أشواق مكتومة]

.




أبيات فاخره
صح السانك مدد بلا عدد