بأبقى سعيده دائما ً بإختلافي!!

[تفاصيل منسيه]

السلام عليكم ورحمة الله وبركاته

صباحكم//مسائكم//حب وسلام..

.......................

جئتكم بأبيات بسيطه ,, من قلب ,, أتمنى أن
تنال إستحسان من يقرأوها..بصمت..

..................

أقول::

باقي بـقلبك شيّ ودّك تقوله؟؟
وإلا خلاص اللي بدر منـْك كافي

قلت الـّذي قلته كذا ,, وبْــسهوله
بعد الهطول أعـْلنت موسم جفافي

وشقـّيت صفحة ْ (ذكريات الطفوله)
وعلـّمت موجك كيف يخـْذل ضِفافي

يا عمر ضايع كنت خامس فصوله
برْدك سكنـّي بعد ما كنت دافي

جتـْك المشاعر(شعـْب)محـْتاج(دوله)
شعبـ ـن مشتـّت بين حبر وْ قوافي

لكن لقابك شخص قاسي ,, وحوله
من (جارح الكلمات),(حزب إئتلافي)

يا أمر واقع /مير/ يصْعب قبوله
حيـّرتني ما بين مثـْبتْ و نافي

ما كلّ منْ حبـّتـْه عينك ,, تطوله
ولا كلّ منْ صفـّق لك إنسان وافي

منـْته مصدّق!! أسمع اللي أقوله
جرّب وناديني وأنا آجيك حافي

مهما تكون أبيات شعري خجوله
بـأبـْـقى سعيده دائما ً بإخـْـتلافي

وأبقى أحبك دام لي قلب يوله
يانبع متـْدفـّق من إحساس صافي

لك في حياتي /دوم/ دور البطوله
ما فيه غيرك تيـّم القلب .. ما في

باقي بقلبك شيّ؟؟ أرجوك قوله!!
مهما حكيت أوْعـِدْكِ ماقول كافي

.......................

وسلامتكم