ونة الناي

[نفاع العنزي]

.
.

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شفت الحزين اللي عزف ونة الناي ؟=وكسا بحور الشعر .. حزن المعاني
وألحق على ميل البخت .. ضيعة الراي = واستوقفه حزنه.. على حزن ثاني
مثله أنا ساعة تعثّـر بي خطاي = مثله أنا حزة قدرهم .. رماني
دم القلم على الورق .. ترجم بكاي = وبكاي .. تفرح به مشاعر زماني
نفس الوجيه اللي تباشر بـ فرقاي = ونفس المكان اللي غدر في مكاني
أشوفهم تهامسوبي وأنا جاي = وأدريبهم يغيظهم عنفواني
قمة سعادتهم يشوفون.. بلواي = وأحلامهم تفرح .. لكبوة حصاني
توقعوا إني أجيهم من أقصاي = وأسمى هدفهم ..طيحتي وامتهاني
وأنا لك الله همي بعرف شرواي = وإلا هذولا حقدهم .. ما دهاني
وإذا نفوني عالم الطهر منفاي =وإذا أهمسوبي ..غلهم ماعناني
والله ما جمعتهم حولي .. عداي = لكن نجاحي .. يكرهه كل أناني
طموحي أكبر من تفاهات دنياي = وموال شعري.. ماتشيله أغاني
وحزن الطريق اللي لفاني بمسراي = بيت القصيد يزحزحه في ثواني
وحرف القصيد اللي تحلّم بلقياي = حققت حلمه ..واحتفى لا لقاني
جمّع حروفه ..واحتفى في محياي = واستلهم أفكار الجمال ونصاني
صوت المحبة مصدره همسة شفاي =والزيف عمره مانطق به لساني
أدري يغيض قلوبهم صدق معناي = وبلاغة حروفي وقوة بياني
وخبّرهذاك اللي عزف ونة الناي = هو الوحيد اللي يزعزع كياني
وبشّر هذيك اللي تباشر بطرياي = إن الشعور اللي حواها حواني[/poem]

.
.