يا خدين الغيم .. يا حزن القبايل

[ظافر الهرمسي الهاجري]

السلام عليكم ورحمة الله وبركاته

العتب مرفوع دام الشك زايل
دامها نفسي على الشده قوية
:
الهجوس مدرهمه والحظ مايل
مع مغيب الشمس أو بعده شوية
:
كن صدري ريس وأهمومي أصايل
الضلوع أسياج والذكرى مطيه
:
سجتي ونسيان حالي له دلايل
لو انا من بينكم صبح وعشية
:
درهمي بي يا الهجوس الرآس شايل
فوق متني صبر يا صبري عليه
:
لي حبيب ٍ غاب والفرقى حبايل
أربطت رجلي ولا خلت يديه
:
يا خدين الغيم .. يا حزن القبايل
الخلا موحش وانا بألفين نية
:
رحت عني والبكى للجرح عايل
فتق أجروح الحنين الأولية
:
دمعةٍ سالت وشفت الكحل سايل
وغصت ارموش ٍ خلقها الله بريه
:
كن ربي خالق ٍ للقول قايل :
يا صباح الحب يا اجمل هديه
:
يوم انا ما جبت لك غير الجمايل
أتجمل فيك طيب ومقدريه
:
آتجمل وآتحمل للعبايل
لوها الدنيا بعيني مسرحيه
:
لكن انتي في عيوني شيء حايل
مآخذتني للدروب السرمديه
:
والفضيله لو لها غير الفضايل
كان ما جبنا لطارينا احميه
:
والعتب مرفوع دام الشك زايل
والسنين اطوال والدنيا مديه

ظافر 15 - 11- 2007 م : وسنصبح ذكرى في يوما ً ما