صحيح ..من قـال الرجـال... بوقتنـا هذا/ نـدر

[سعد الجميلي]

نص جديد أتمنى ان ينال على رضاكم..
..

..

..


غنيت ماهو من طرب .....غنيت من ضيقة صدر
الضيقه ...اللـي عكـّرت جـوّي ..... ولاكنيتهـا
البارحه..... حاولـت أعديّهـا ...وعيـّت / يابـدر
وانا مـن أول ...لالفتنـي بالفـرح.... عديتهـا
مير/ إنها شبّت بصدري نار....وضلوعـي / قـدر
حتى تفجّر من لهيب النـار / يخـرب /بيتهـا
ياصاحبي من خلقتي وافي..... ولااحـب الغـدر
واميّزالاصحـاب ....واعرفهـا... ليـا خاويتهـا
أحب من يرقى المعالي دوم..... ماينـزل/ حـدر
وأحب من بين الرجال.... اللي ينومس صيتهـا
لكن ...على أية حال ...طحت بواحد وجهـه / ودر
باع الصداقه ....يـوم بـدلال الكـرم... صبيتهـا
صحيح ..من قـال الرجـال... بوقتنـا هذا/ نـدر
يبين لك فـرق المعـادن ......زيـن... لاحكيتهـا
ياحيف! ياراعي القبال السمح ..والوجه الخـدر
أثرالطيور....يبـيـن مفرسـهـا....... لياهديتـهـا
حرام.... ياوقت ٍخسرته راح مع مثلـك / هـدر
وانا اللي اول ....ماأتحسـف حاجـةٍ ..سويتهـا
حاولت أعديها بعيني... وإنكسر غصن /السـدر
لكـن.... تمـوت الدمعـه بعيـني..... ولاهليتهـا
ماللوفاء .....في بعض خلـق الله /مواجيـب /وقـدر
ياشينها ....لاضاقـت الدنيـا...... عليك وجيتهـا
مافيهم.... اللي شال لك حمل الصعيبـات /وقـدر
مافيهـم .....اللـي يحتوي يمناك....... لامديتها
ماكل صوت لاهدر.... مثل الجمل... لامـن هـدر
الله يقبـح بعضهـا .....مـن شينهـا.... مليتهـا
اصوات... ماتفهم وش اللي من ضمايرها / بدر
صـم الاذانـي.... ماترد الصـوت .....لوناديتـهـا
ودّك تحدرها .....مع اقرب وادي سيله/ حدر
وأنوارهم..... ودّك عن الدنيا.... تطفي / ليتها