دوحة اوراق !

[فهد الماجدي]

هذا المساء الطير فيه متعنّي ..
كنه مع التغريد ضايق وملتاع ..

يجر صوته وكل ما جر اغنّي ..
اجاوبه واطير يمه عن القاع ..

احس بشجونه .. الى دان.. منّي ..
ويحس بي لاضاق لي خاطر ولاع.!

 

[فهد الماجدي]

ياغايبة. !
وشهو بقى لسنيننا وايامنا..
وشهو بقى
لعمري معك.
غايب
وروحي مربوطه معك..
وشهو بقى
لوراقنا وانا اكتبك.
وانا اشطبك وانا انثرك ياغايبة.!

 

[فهد الماجدي]

ياغايبة..
وشهي خطاوينا معك.
اِنّي وفيت
وانك معي صافي وفا..
نادر ماتحلا لنا ايامنا
وتصدق بنا..
واني خسرت اقرب قريب بسبتك.
ياغايبة.!

 

[فهد الماجدي]

ياغايبة.
وشحي لتي وانا انقهر ..
كلي ندم.
واناطر لفجرالظلام..
اللي سطا بشروقنا.
وطيّرت لك
من صدري الضايق حمام..
وشحي لتي ياغايبة.!

 

[فهد الماجدي]

ياغايبة.!
مرات احس انك معي لاكن بعيد..
علمتني اني اكون بحضرتك . مثل السراب,!
وانا السحاب,!
وابكي مطر دمعه سيّول.
وابكي شجن
ياغايبة.!

 

[فهد الماجدي]

لليل في نور القمر صخب لازال..
يشرّع ابواب الامل ينطر الشمس..


تشرق على الساري ويقول بامال..
يالله عسى باكر اجمل من الامس..!

 

[فهد الماجدي]

صباح الخير ..
يثني لك تحايا الغيم فيه الطير.!
يرفرف لك.
يغني لك بشوقه طير.
باالحان النهار الشاديه عذبة..
صباحك غير.!
يغني لك
من الحان الطيور مْقرنسه حرّة..
من احساس وشعور الصادق
شعورة.
صباح الخير.!
.

 

[فهد الماجدي]

.

اليوم هذا الليل مقمر وينساب..
على الدجى ويمرّني طيف غالي..

غالي نعم غالي ياسيد الاحباب..
وافي معه لو فرقتنا الليالي.!

.