[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ذكرته وأنفتح لي من مسافات المواجع باب=وش العن من ألم حزن الوداع وشوفة الصوره
تناديله يبه.!وينك؟تحرى رجعة الغياب=سكن بضلوعها ضيم السنين وترجي حضوره
نظر عيني.بعد عمري ترى وجه الزمن كذاب=أنا مثلك شكيت من الغياب بروح مقهوره
شكيت وضاقت أنفاس الحياه وضاعت الأسباب=تمنيت الصباح وطال صبري ماظهر نوره
تعبت من المفارق والمفارق لعنة الأحباب=دموعي كل ماهدت جفوني صحت معذوره
وربي مانويت الحق عيوني شرهة وعتاب=تهامل.كل مازادت عطاها قلت مشكوره
رحل لافي قبل عامين بكيت وخافقي ماطاب=غسله الحزن في حدب الضلوع وفاح كافوره
تلمست المحاني مالقيت إلا كفن وإتراب=وبقايا من رماده في عروق القلب منثوره
رحيله كارثة عمروظما قلب وضياع أصحاب=يميني من عقب فرقى يمني تقل مبتوره
خذلته .والله إني للنهايه ماعملت إحساب=تخيل مابقا غير االطعون ومنظر الصوره
__________________[/poem]