حرير المخده ؟

[سعيد الغامدي]

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدفعني أشواق الوفاء للمحبين= لكن دون الشوق تيار ضده
دامك وفي معك اكثر الناس وافين = وكلن يعود لبوه واصول جده
ناس تحوس امال في عكرة الطين = وناسٍ تقدم طيبها ما تعده
وانا زرعت من المحبه بساتين = ونثر فوادي لاجل الاحباب وده
لقيت طعنة غدر من ناس قاسين = قلوبهم فيها الف صده وصده
وجنبت نفسي عن موراد هل الشين = ومن كان صاحب مقدر ابيح سده
قلت ابتعد من ضمن ناس بعيدين = وكلن نصيبه من حياته يسده
خذ راحتك لا صرت ضمن المقفين = وكبَّر تحت راسك حرير المخده
يا صاحبي لو ما ملكت الملايين = يبقى رصيدي صدق نخوه وشده
بنخوتي أعيش عيشة سلاطين=واترك هزيل الهرج وأعيش جده
بصدق ودي يرجحن الموازين = ما انتابني عن وقفة الطيب رده
محيط تفكيري سليم القوانين = ماهو بحر يضنية جزره ومده
بيني وبينك يفرقن العناوين = انا بنيت الود وانته تهده
الصقر يفرد لا ترفع جناحين = وعن صيدته ما فيه شي يرده
خلا الوطا دار الطيور المساكين = طموحها نحو الفضا ماتمده
يا صاحبي لو صرت ضمن المعادين = سيفي على شرواك ما اسل حده
سيفي يرافقني بكل الميادين = على سروج الخيل والا الاشده
اعيش هقواتي على العسر واللين = ولا انتظر من صاحب المن مده[/poem]

تقبلوا تحيات

سعيد الغامدي

 

[عبدالإله المالك]

سعيد الغامدي

أبيات عالية الشاعرية .. أمتعتنا شعراً وحكمة ومثل عليا

دمت بود وعلى خير

 

[فهد الغبين]

الغالي سعيد



صح السانك ولاهنت


دمت بود

 

[غنى طارق]

،*

سعيد .. صح كلك و سلم قلبك
أبيات راقية

 

[صالح الشملاني]

الله ياصباح الشعر ياسعيد مااجملك وصح قلبك