جيب الوفى /// فيصل العنزي

[فيصل ناصر]

السلام عليكم ورحمة الله وبركاته


بدون مقدمات فهي كما أتت لا تحتاج إلى تقديم ...

أتمنى أن ترتقي لذائقتكم



[POEM="font="Arial,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي لو الوفى شي محسوس = ما كان تلقاني هنا في مكاني
ولو الزمن طبعه كتب توخذ دروس !! = طلعت راسب في طبايع زماني
إن صرت متهني من الناس منحوس = وإن صرت متضايق تعيش وحداني
جيب الوفى من كذب الأصحاب متروس = وفن التعامل بالمصالح جفاني !!
على كثر ماني بهالطيب مطموس = على كثر ما أحس إني أناني ؟!!
أحس إني لابس الطيب ملبوس = وغيري لبس ثوب الحسد والهواني
يضحك معي ولا رحت كشر لي ضروس = كلن لك الله عن هنايه نهاني
شربت من مره ومن غدره كؤوس = وعرفت علمه من كثر ما عطاني
أسمع كلامي لو يقولون مهووس = نصيحةٍ نطق بها لك لساني
حنا بوقتٍ كل مافيه بفلوس = وإن ما دفعت اليوم بكره تعاني [/POEM]


شكراً لكل من مر هنا

 

[أحمد حجاج]

.
.
صح نبضك يافيصل ..

نص جزل .. وابيات متفرده


سجل اعجابي بما سطّرت هنا


تقبل تحياتي

 

[العـنود ناصر بن حميد]

نعم يافيصل

هذا واقعنا للأسف

لكن

يبقى الوفا ويبقى الصدق

وتبقى الكثير من المعاني الجميله

ولايدوم السواد .. للأبد

صح قلبك

ودمت بخير

 

[دعاس الرويلي]

إسمع كلامي لو يقولون مهووس

.............نصيحةٍ نطَــــــق بها لك لساني

حنا بْوَقتٍ كِـــــلْ مافيه بفلـوس

..............وإنْ مادفَعْت اليـوم بكره تعاني


وعلَى إعتبار أن الدفع هنا ضريبه يافيصل


فالطَّيّبون وحدهم هُم الأكثر دفعًا لها


لأَن لهم وعدًا مع ما هو أثمن




قصيـــده ثريَّــه


وشاعريه تَدَّخِر الدُّرَر


تقَبَّل مني بما يتوافق وهذا المقام


دار الزمان وضاق صدر المشَاريه

............وتَغَيَّرَت دنيــــــاك ياطَيِّـــب الفال

اليوم لَوْ بك طِيـب ماتِنْذكِـــر فيه

...........دنياك فيها حِشْمـتَكْ صارت رْيـال





_





محبتي

...

 

[نور]

فيصل ,,


صح السانك,,



بالفعل هو حالنا وحال مجتمعاتنا !!


قصيده جميله ,,



نور..

 

[شوق]

سلمت أناملك

على هذا النص الجميل

كل الغلا

أختكـ/شووق

 

[نايف السعدي]

فيصل ناصر
نص رائع وراقي
دمت رائعا
احترامي

 

[غنج نجد]

الشاعر الفاخر

فيصل ناصر


قصيــــــــده .. تعانـــق السحاب بالثراء ...


حنا بوقتٍ كل مافيه بفـــــلوس
وإن ما دفعت اليوم بكره تعاني

صــدقت .. لااااا شلت يمنااااك يا فيصــــل
وصح الله لسانك واعتلا شانك ولا هان راســـــــك

تحيتي لقلبك برائحة العود والكمبود

اختك

غنج نجد