الا يا ليلنا سمار

[متعب الخمعلي]

ألا يا ليلنا سمار نجاذب لوعة السمار
تعال الحزن لا يقبل وتعزف لك مزاميره


انا ليلي ستاره و احتماها ربك الستار
قبل ثوبي من الضيقه تقطع كل أزاريره


انا ليلي هواجيسه مداين و اجتثاها اعصار
تشوف الويل باولها قبل تقرا أحافيره


أنا ليلي يسافر بي مع الرهبان والاحبار
عجز يلقى لنا مأوى وعجزت اقبل تباريره


على الفرقا يعاندني ويجمح بأول المشوار
تخير كل لوعاتي وجت بأول مشاويره


يحن لدار فارقها يحن لدار حمام الدار
من اول ثلث لآخر ثلث وما له غيرها سيره


سلام الله يادرٍ حمام الدار وراه اجدار
أخاف الشوق دمرك وهدم سورك اعاصيره


أنا قبلك هدم قلبي وليش اخفي عليك اسرار
فراقه جيش متغطرس علي ارسل مغاويره


ضما قلبي من فراقه وسالت من غلاه أنهار
تفجر من وسط قلبي ولا انفرجت اساريره


تذكرته طفل يلعب بذر في قلبي النوار
وجيتك بعد ما فزيت عسى في جيتي خيره


يا دار الضيف جيتك طيف عابر ما لقيت امصار
رهنت آخر فرح عندك وجيت اطلبك تحريره






أخوكم / متعب الخمعلي