تعال واكتب حالتك/لحظتك شعراً ..!

[شعور]

-

تثنّت من هوى الدرب الورود وشفتها عن قُرب
عسى ربي يسامح بالي، المتخاذل، القاصد !

حراام تْمرّك ايدين السنين، وتقطفك للغُرب !
وانا الباذر وانا الزارع وانا الساقي وانا الحاصد

 

[راشد مقبل]

مهما خذتني منك الأيام وأبطيت
أنتي من إحساسي وقلبي قريّب

 

[يوسف الذيابي]

🕊

تعال نحن !
‏تعال نكمل القصه
‏ونختم اخرت هالفلم
‏قبل ننجن !
‏علي اكتب انا النوته وعليك تمد لي صوتك
‏وعبر عن شعور الضيم
‏هوى صدفه جمع له اثنين
‏و بليا حيل !
‏يجر النبض متثاقل
‏خطئ رجليه
‏حبيبي غن ! للعالم كذا بشويش
‏حبيبي اشرح الفرقا وبداية الوله
‏لاثنين 🍂🎼

 

[سعيد الموسى]

تغريني الإيدين
‏... لامن تحنّت !
‏الثلج ذايب ...
‏دام بآخره جمره !
‏يغريني الخال ...
‏إن سكن فوق ثغرك !
‏شيخ ٍ صغيّر ...
‏بس شايل قبيله !

 

[يوسف الذيابي]

تغري ترى عن بعض الوجيه اللتفاته
و من الشعر يكفي ترى مايكتب سعيد


_^^

 

[شعور]

-

أحمر شفاه وضوء خافت مع ترانيم ووله !
... ... ... ... جنون عاشق في الظلام يدل نور حبيبٌه ،

تعال نسدل من ستار الليل ونرد اوله
... ... ... ... سيجارة ورشة عطر وانفاس حيل قريبه

 

[سعيد الموسى]

المشاركة الأصلية كتبت بواسطة يوسف الذيابي

تغري ترى عن بعض الوجيه اللتفاته
و من الشعر يكفي ترى مايكتب سعيد


_^^

ياحبيبي يايوسف من ذوقك الحلو بس ياحلو : )

 

[صالح العرجان]

تبي تثقل علي اثقل .. بكيفك ياعديل الروح
.................................. انا اكثر شخص يستوعب .. كلامك قبل تدليبه

تبوح بلهفتك والا تخفّي لهفتك / مسمـــوح
.................................. انا اتبع صادق احساسي / وتكفيني مناديبه ..!!

مدام ٍ قلبي مريّح ولاطاري لحدسه نوح
.................................. فانا مالاحقٍ صدري رغم طول الجفا ريبه !

تبي تثقل علي اثقل ولكن هاه .. قبل اتروح
................................... ترى ماينفعك ثقلك .. مدام اسمي تهذريبه ..