مساجله بيني وبين الشاعر عبدالمحسن بن نايف العتيبي

[أحمد بن عميره]

السلام عليكم

كل عام وانتم بخير
عيدكم مبارك
مساجله بيني وبين الشاعر عبدالمحسن بن نايف العتيبي
وأتركها عيديه لكم



ضاق صدري من همومه وأسعفتني

................................شرد هجسن تطرب لطرق القوافي

شاعر"ن" جزل القوافي ماعصتني

...................................لجل عين الريم أنا شديت قافي

ياعيونـ"ن" في هواها تيمتني

...................................بالتغلي والدلع ثم التجافي

شدت حبال الوصل ثم إهجرتني

..............................عين حر"ن" من عليها الرمش ظافي

ولعتني في هواها وتركتني

.............................عرضتني ياحسن صلف السوافي

لوصفالي وقتنا ماغربلتني

.............................مسندي قفا وعيا الوقت يافي

ياحسن هقوات وقتي لاوعتني

...............................في زمانـ"ن" مالقينابه سنافي

لوظروف الوقت والدنيا حدتني

.............................مانصيت الاش مادمت متعافي

علم أللي فالمحبه ولعتني

........................في خفوقي جرح ماهو بمتشافي

وكان هي بالوقت ياعزي نستني

............................سمح الله دربها لوبي خلافي



رد الشاعر عبدالمحسن بن نايف العتيبي



يااحمد اللة لا يهينك هيضتني...مرحباوالصدرمجلس كل وافي

القصايد عمها وتحب متني...الثقيلة ماتقارن بالخفافي

وكان لا جاء وقتها ماجملتني...في مثل شرواك تبت وقلت كافي

المشاغل بالليالي عاقبتني...العذر ماودنا كشف الخوافي

حسبي اللة يالظروف اللي بلتني ...نظرتي قدام ماطالع خلافي

لا تزيد اجروح مافية كفتني...والقلوب بذا الزمن خضرن صخافي

يطري اليامن نسيت وبهذلتني...صوت شلت مانعة والاالعيافي

يالامل عيشتك غبراء هولتني...افزع افزع قبل اقول العمرطافي

وراي من خبرة بدنيا دربتني...المقفي لاتلحقة الحسافي

وكان مقبل صدفتن لوكان جتني...خيروابرك من مواعيدن عجافي

وان غدت مابين باغيك وبغتني...قل مراح مقيط والدنياعوافي

علمتني علم يااحمدعلمتني...عش بعزولاترجاء كل هافي

ياوجودي يالسنين اللي طوتني...وجدعودن لاعيال ولاملافي

انخدعت بضحكها ثم نكبتني...شايمن من عقبها واعلن عيافي

والهواء ناره مشاهيبة كوتني...مقبلات اركابة بعيني مقافي

والسلام ختام يااحمد ماكفتني...هينة يامسندي والسترضافي

وسلامتكم

 

[ثامر البلوي]

:
:

الله الله الله


صوت رآئع
و
صدى أروع


وووووكل عآم وأنت بخير

 

[عبدالله العويمر]

لَكَما: صَحْ لسَانِك

وكُل عَام ٍ وأنْت بِخَيْر

 

[أحمد بن عميره]

الاخ ثامر

شكرا لك صح بدنك لاهنت

تحياتي

أحمد

 

[أحمد بن عميره]

صح بدنك اخ عبدالله

لاهنت شكرا لك