.. انا اتباها لني الشاعر ..

[مرزوق الرمالي]

مع التحيه والاحترام لكل العابرين ,,

[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مدري هي الدنيا تهد من المباني ما بنيت=والاّ هو الانسان با الدنيا تساوره الشكوك
رحلة سفر عادي تصير من الرياض ليا الكويت=ويمكن تكون اسهل شوي من الرياض ليا تبوك
والمشكله في رحلةٍ يمنعك مشيك لا مشيت=من دونها هام المراجل والعزايم والصكوك
ان كان مالك هيبة من ساحة المجد انتهيت=هيبة فخر هيبة بحر هيبة مليك من الملوك
الارصده ما تنفع الاّ في شريت وما شريت=والمرجله ما احدٍ رصدها في حسابات البنوك
يا ابن العرب كم في خيالك لا تقول اني نسيت=كم عالمٍ تذكرهم انت اليوم لكن هم نسوك
شنهي حياتك وانت واقف لا خذيت ولا عطيت=واهل المواقف ما خذو منك جميل ولا عطوك
كل الهقاوي ترتطم با الذل دون اللي هقيت=وانا اقصدك يا اللي نفيت وعالم العزّة نفوك
انا اتباها لني الشاعر وامازج بيت بيت=المس مشاعر من مشاعر واعطي البيت محبوك
اجمل عبارات الثنا رد المقابل لا حكيت=واثنا عليك بكلمتين وقالها لا فض فوك

[/poem]

 

[شاعر البدر]

الله يرْحم شايبك
..بعد غيبه ليلتي غير بك يالرمالي..

 

[مرزوق الرمالي]

المشاركة الأصلية كتبت بواسطة شاعر البدر

الله يرْحم شايبك


..بعد غيبه ليلتي غير بك يالرمالي..

حياك الله شاعر البدر

والله يرحم شايبك انت بعد

ماقصرت ولك الشكر والتقدير

 

[سعيد الموسى]

.
.
بيّض الله وجهك يامرزوق ...
صدقني أني أقولها لك من كل قلبي !

 

[مرزوق الرمالي]

المشاركة الأصلية كتبت بواسطة سعيد موسى

.
.
بيّض الله وجهك يامرزوق ...
صدقني أني أقولها لك من كل قلبي !

وبيض الله وجهك انت على مرورك وعلى الاسلوب الطيب يا سعيد

ولك تحيتي وتقديري

 

[عبدالإله المالك]

مرزوق الرمالي ..

لا فضَّ فوك ...

تحفة فنية .. نص من العيار الثقيل ..

سلمت وسلم حبك أبياتك ..

 

[نواف العطا]

مرزوق الرمالي
صح لسانك سكبت الابداع احرف
فلك كل الشكر والود .

 

[صالح الشملاني]

الله الله يامرزوق
حضرت بالشعر الحقيقي الذي نفتقده هذه الايام
نص .. حكيم .. فاتن .. شعر .. ذهب

صح الله السانك