ورقة على رصيف !

[سرحان الزهراني]

:


شبّاكي المكسور ..
وخيوط العنكبوت " البيض "
وصوت الرّيح ..
وعزاي !

يا أنا ..
كلّي حزن ,,
ملّيت صوت النّاي


شبّاكي المكسور ,,
وخيوط العنكبوت البيض ..
واصحابي , وريحة دارنا ..
وغناي ,,

كلّه حزن ..
ضيقه ..
زهق هالطّول ,,
أتركني وراي !

تكسّر ظلّي .. في لونك
هجيرك يالمسا
نقطه
وصوتي .. " ماي " !



تلاشى ..
في عتيمك .. لون هالعصفور ..

وناديتك ..

وردّد صوتي " أطلالك "
وخيوط العنكبوت
وشبّاكي المكسور !

تعال .. اجلس ..
تأمّل في رسايل قلبي المقهور ..

تعلّم ,,
كيف لمّا تغيب
تجرحني ..
وتهدم كلّ هذا السّور ..

ولا تنسى ..
أنا ملّيت حتّى النّاس ..
من عقبك قسم بالله
ماشفت النّهار ..

" نهار "

 

[سرحان الزهراني]

هذي الـ " جذوع " ,
ماتت !
من الـ " جوع " ..!

[ ........ مثل عمري ..
اللي شافني صدفه !


وغاب ..! ]

 

[سرحان الزهراني]

وناديتك ..
وملّ الصدى صوتي ..
ولا شفتك ,,

وناديتك ..
وورّد غصنك اليابس..
على لوني
ولوّن روحك الأخضر ..
وطرتي في هواي أنفاس ..

وناديتك ..
وردّني صوتي لبابك ..
قاتِل غيابك ..

وعاقبتك ..
وماشفت المَطَر إنتي !
ولا شفت السّحاب انتي ..


نسيت انّي حبيبك ..


ومانسيتك ,,

 

[سرحان الزهراني]

:

أكتب ..
.................. ( إباحيّة ) !!
تناديني صلاتي :
تِبْ !!
ترى بعدين
تموت أطرافك الحيّة !!
وتتعذّب !


أكتب .. أسى !
وفي الأخير .. ( يالله عسى )
ولا بلاش أكتب ..
أخاف لامنّي تنكّرت لجنوني ..
يضيق المسا !!!

أكتب .. عن الأنثى ..
وأمسح !
ضعت ..
تهت ..
" تركني الحرف " في المنفى ..
ولا عوّد !!

أكتب ..
أحزان البشر .. واللي يصير
يصير !!
مافادني التّغيير
ذلّيت قامة " حرفي " الفاجر ..
وحاولت استعيد اللي يعلّمني :
هذاك .. ( مدرّس التّعبير ) !!
يصير !


أكتبْ ..
ورَقْ .. وارسل قلم !
واملى جفوني بالألم ..
ما أنتظر ..
الليل قفّل باب جيران السما ..
وغادر الأوقات ..
لين شفته يحتظر !!
والصّبح من عنده يمر ..

أكتب .. ورق
واملى جفوني بالأرق ..
والليل بعده ..
يحترق !!!


أكتِبْ ..

زماااااااان أكتِبْ
لأحلامي / وآلامي / تعب ليلي / تغرّب / تاهت اشواقي

وروحي مابها " باقي " !

أنا وش حدّني أكتِبْ ؟!!
ترى الأوراق .. ملّت من خطاياي وذنوبي
بسّ ابـ : اكتبْ !



بسّ ابـ : أكتب !!



,,

 

[سرحان الزهراني]

:


أحبّك ..
شفتها تهرب من شفاهي ..
وتتناثر على بابك !

 

[سرحان الزهراني]

في عالمنا العربي :

( الأغلب ) يكذب على ( الأغلب ) ..!
و ( الأغلب ) يعرف انّ ( الأغلب ) يكذب عليه ..!

,

( الأغلب ) يورّط ( الأغلب ) في أشياء ( مايدري ) عنها !
ورغم كذا .. الأغلب ( لسّا طيّب ) ..!!

,

( الأغلب ) يتّصِف بـ ( العباطة والبَزْوَطَة ) !!
بينما ( الأغلب ) مُسالِمْ .. ومِنَ المُمكِن أن يُقال عن ( الأغلب ) : ساذج ..!!

 

[سرحان الزهراني]

,

كأنّ :
الشّمس : شمسك
في " قلب " النّهار
ولا ميّلت : تغرب "
والنّوارس " تهرب "
ضيّعتني .. و ..
حاولت انا امسك !
ع الأقلّ كفّك
..... واتعلّق بيدّي !
مسكتك .. قولي : مين قدّي ؟!

 

[سرحان الزهراني]

,

كانو هناك .. اثنينهم
.. ذايبين
غابو عن عيوني .. سنين
ولمّا سألت الأرصفه ..
وينهم ..؟!
قالت بكوا !
شفت الغرق فـ عيونهم
وما عاد بعده شفتهم !!