في السابق كان هناك الكثير من هذه المساجلات , اصبحت افتقدها هذه الأيام ..
هو : ( صاحبي )
جهة خامسة : شاعر جميل جمعتنا به الغربة إفتراضيا )
بندر : ( محاكيكم ) .. كانت تجمعنا الغربة .. تخيلوا 
حاولت اميز بين الألوان لكن التنسيق تعبت بصراحة .. فتحملونا
هو :
ردوا لي الصوت كان الصوت [ يقراني ]
وآبـَـتكلَم .. عن الصمت .. ومشااااااويره
ولّا ..
مدام المدى .. [ شعر ٍ وميداني ]
أبغى قريب ٍ ..
[ تقرّبني تعابيره ]
جهة خامسة :
الصمت في غالب أحواله
هو الجاني ..
والنبض يظهر وهج صدقه بتصويره ..
الأول الصبر
والمنطق هو الثاني ..
والعلم والحظ والتفكير والخيره ..
هو :
للصمت .. صوت ٍ .. ولايحتاج لـ لسان ِ ؟؟
جب مسمعك ينصت لـ صدري .. وتزفيره !
للصبر [ منطق ] .. وحظي .. غاب مابان ِ
والعلم عندي .. ولااجهل غير .. تسطيره ..!!
بندر :
وكم زفرةٍ تخنق بظلمٍ وبهتانِ
وعادت على القلب تكبر فيه وتديره
الصبر للضعف
والقوة مع الجاني
والعفو يقدر عليه اللي كسر غيره
ج 5 :
تأرسم الوضع واعشوشب بوجدانِ ..
........ وتبندر الحرف وازدانت نواويره
ظل السما ماقصر
لوبانِ ماكانِ ..
....... والعشق لأول حبيب ولو غدا طيره
هو :
اليا إرتسم هـ الخضَار .. النبض .. يزدان ِ
وشلون دامه مثل بندّر .. وتعبيره ؟
عقب الظلام .. المدى .. يبكي لـ الأمزان ِ
طبع العِشِق واحد ..
وماأكثر ..
مشاويره !!
بندر :
من غير الأثنين لمّ الحرف بأحضانِ !
.......................... واحيا به النبض وابعد عنه تغبيره
رغم اندثار الهوى والشوق بأوزاني
.......................... عدتم وعدنا وعادت فتحة السيره
ج 5 :
ياصوت الاول تجاوب صوته الثانِ ..
.............. ماكل ونه لتأخيره بها خيره
ماعاث بالصدر غير وجيه خلانِ ..
............. ولا زاد بالجرح
غير الشوق للديره .
بندر :
حتى أنت عفت المنازل ! تبغى الاوطانِ !
,,,,,,,,,,,,,,,,,,,,, تعارض القلب مع عقلك وتفكيره ؟
في ديرتي , مابقى حي يتحرّاني
,,,,,,,,,,,,,,,,,,,,, ماباقي الا شذى الذكرى وتعطيره
هو :
وشلون طاحت مماليكك .. وتيجااااني ؟
,,,,,,,,,,,,,,,,,,,,, وأنا طرقت الدروب .. وفِتْحَـت السيره !
الغي هذا .. له حرووفي .. وألحااااني
,,,,,,,,,,,,,,,,,,,,, والجَمْع ذيّا .. عزفني .. في مزاميره
ج 5 :
طاحت ممالكـ
وطاح البعد بأزماني ..
.......... طلعت من مولد الفرقا معي حيره
كانت منيره إذا تسكت على شاني ..
....... تسكت جميع القلوب
وتضحك منيره
هو :
واللي طلع دون مكسب ..
كيف ماكان ِ ..
لابد يحتار .. والحيره oo دواويره oo !!
وش عاد ينفع كلام ..
ومقصدك بان ِ ؟
مادام ضحكة منيره .. أصبحت [ ديره ] !
ج 5 :
ياسيدي والله إن الشوق
قوماني ..
........ لاهز غصني وطارت بي عصافيره
شف وجهها كل ماصلي تمثناني ..
........ واعانقه بين تهليله ...
وتكبيره .
هو :
لامن تفرعن .. من أشواق الهوى .. فاني
من قبل يفنى ..
نحت [ عشقه وتقديره ] ..!
الوجه نور ٍ .. وأظن النور .. ( إيماني ) !
والنور مايقطع .. الفرض
وتسافيره ..!!
ج 5 :
ليلكـ يعاند وأنا ليلي
تهجّاني ...
....... قل للهوى لا يوردنا محاذيره
ابي أوجز المسئله في _ بعد إنساني _ ..
....... الشوق ضحكه / وباق العمر
تكشيره ....
بندر :
صوتي ينشّز وانا أسمع عزف الألحاني
,,,,,,,,,,,,,,,,,,,,,,, نصيبي انا الذهول , وحرفي الغيره
ابي الزم الصمت وابي أشنّف اذاني
,,,,,,,,,,,,,,,,,,, واخذ على عزفكم سجّه وتخديره
ج 5 :
هذا نصيب / ونصيبي وين وداني ؟ ..
............ شف مجهم الراس
لاحنت مغاتيره .
شفني تأبطت شر / ووقتي أعياني ..
........... يا ما تصعلكت في
زحمة طوابيره
هو :
واللي تمايل على ( لاحي ) و ( ليحاني ) !
وأستطرب بـ زود ..
ثم فـ كـ كـ أزاريره !
خلوه يركد .. علشاني .. علشاني
و..
ماظنتي عاد .. ينفع فيه ..
[ تحذيره ]
بندر:
دخيل من ثبّت السنة بقرآنِ
,,,,,,,,,,,,,, خلّه يدندن طرب وشلك بتغييره!
ياليل دانه لدانه دان يا دانِ
,,,,,,,,,,,,,, خلّ التفاؤل رفيقك واترك الطيره
هو :
المشكله فـ الطرب .. إسمي .. وعنواني !!
,,,,,,,,,,,,,, تأشيرتي للغنا .. تحتاج .. ( تأشيره ) ..؟!!!!
دندن .. ودندن على السجه .. وتلقاني
,,,,,,,,,,,,,, صدر ٍ ليا من طرب .. تَزْفُره .. ( تعميره ) !
بندر :
سجيت معكم على النيّة و وش جاني
,,,,,,,,,,,,,,,,,, عفريت شوقي ( تواطأتم ) لتحضيره
عنّت علي ذكريات وجيت من داني
,,,,,,,,,,,,,,,,,, وغمضت عيني واخذت شوي تصبيره
ج 5 :
يعن وقت ن مضى ياغا ل الأثمانِ ..
.............. الابيض اللي مشا قلبي مشاويره
يوم العرب تاخذ المخطي بالاحسانِ ..
.............. ويعامل الأدمي
بحدود تفكيره
بندر:
يوم الفرح ينقسم مابين جيرانِ
,,,,,,,,,,,,,,, ويعدي اسبوع ما واجهت تكشيره
وان غبت لك يوم والا كنت تعبانِ
,,,,,,,,,,,,,,, كلن حصلّك مِنِه دعوة وتشقيره
هو :
هذا الزمن .. يغري السارق .. مع الزاني
,,,,,,,,,,,,,,, من جرف صرنا .. نطيح بكل دحديره ..!
راااااااح الزمن .. مثل قولة / كان ماكان ِ
,,,,,,,,,,,,,,, واللي بقى نااااس .. رقّاصه .. وسكّيره !
ج 5:
سريت ليل الشقا / في عالمٍ ثانِ ..
............. وراسي ضجيج الحنين الظالم يديره
مع سوج فكري / معي رهطٍ من الجانِ ..
........... وكبيرهم دق بضلوع
الغلى زيره
هو :
دام الشقى فيك مسرى لا تعداني
....... خذني معك للوجع كسرٍ وتجبيرة
الفكر مارد وقلبي نار تصلاني
....... ياكم حرقت الطموح وقلت انا خيرة
ج 5 :
يردني عن جنوح أفكاري إيماني ..
....... لو غرهم وقتهم
ماخفت تأثيره ..
أغراهم ب بلبلة وضعه
ولا اغراني ..
.......... سنابلي صامده
في
وجه
أعاصيره ..
بندر :
من قبلكم في الشقى منفاي وأوطاني
,,,,,,,,,,,,,,,,, مكسور جنحي وحلمي طار مع غيره
كم حلمٍ أحلم , ويكبر ويتعداني
,,,,,,,,,,,,,,,,, الحلم ذنبْ وماغير الموت تكفيره
هو :
كن الحروف .. العريقه .. ورث جدّاني !
,,,,,,,,,,,,,,,,, أهوش عنها .. جموع ٍ تطلب السيره ..!!
مير الوغى .. طرس واحد .. مامعه ثاني
,,,,,,,,,,,,,,,,, وأنا وحيد ./. ومصير الواحد .. لـ( غيره )
وهنا ( خطم ) نفس الشخص اللي في موضوع خلوووووها (: :
لاطال ليلي وجبت اقصاي لدناني
,,,,,,,,,,,,,,,,,وتخالط المسك مع نفاخة الكيره ..!!
القاك بين الضلوع العوج والقاني
,,,,,,,,,,,,,,,,, بين ابتسامات شوق وصدق تعبيره!!
هو :
ولاهد ّحيلي .. وجع ليلك .. ( تحفّاني )
,,,,,,,,,,,,,,,,, كم همسة ٍ تسرق الرجّال .. وتديره ؟؟!
كم لي وآنا أقول لك : هدّيت الأمتان ِ؟
,,,,,,,,,,,,,,,,, وكم لك تجاهل شقى صبري / وتعزيره ؟
ج 5 :
كم لي وانا أقول تكفا ! ! لاتناساني ..
............ ويظهر بوجه الفراق اقشر معاذيره
يا شعرة معاويه / قميص عثماني ..
............... من مد يسرا الطعون ؟
وشق أزاريره ..
بندر :
ومن سمّع المختلي ترديد الالحانِ
,,,,,,,,,,,,,,,,,, وألهاه عن خلوته واشغل تفاكيره
ويوم انه اقبل على السجّة وطربانِ
,,,,,,,,,,,,,,,,,, اهداه تاج الفراق وجبّة الحيره
هو :
قلب ٍ ليا من تصبّر منّه .. أشقاني !
,,,,,,,,,,,,,,,,,, كَنّه خشب .. والثواني له .. مساميره !
تدقّني ساعة ٍ .. عميا .. و[ تنعاني ]
,,,,,,,,,,,,,,,,,, وأشوف موتي .. مع التكّات .. وآديره !
بندر :
( يارحمة الموت ) هذا اسمي وعنواني
,,,,,,,,,,,,,,, عودي علي ماتحمل زود تأخيره
نعود ننقض جروح وننبش أحزانِ
,,,,,,,,,,,,,,, ونفتح كتاب الشقى من عقب تسكيره
وكلٍ معه للحزن حجّة وبرهانِ
,,,,,,,,,,,,,,, وكلٍ يبدِّي شقى نفسه على غيره
آخر المشاركات
01-19-2011, 03:49 PM
سجّـــــة قديمة ..
العرض العادي
