الشوق

[عبدالله البطي]

لا والله ان الشوق سوى عمايل
سرى كفيف الشوف والعاجز الشوق
انا احسب انه من بطون الحمايل
واثره لا مهذب ولا يعرف حقوق
يدحم قلوب الصامدين الاوايل
ويهز جاش الي غدى كله حروق
البارحة صدري ثقيلن وشايل
كلام مايعجب هالحسن والذوق
كني سحابت صيف مرت تخايل
من فوق قطعان ومراويح واعروق
يرجون من بطن السحابه مثايل
كني عزيزن مر ضايق ومخنوق
مانيب لا مخطي ولا ني بعايل
لاصار حظ الادمي كله اعقوق
ودي يغسل الغيث كل البدايل
وتورث مفاديها جوامع على السوق
وتنعم بها بالخير كل القبايل
ومن خيرها سموك ياالحظ مرزوق
يالايمي بالشوق لو كنت قايل
وش يعجبك وابني على كل طاروق
على اللحن عصف الضمار الاصايل
اليا تخطرا جاك عاصف وسابوق
معناه حبك وحد مثل السلايل
الي قطع ماهو مداري على ارفوق
اليا دعاني جيت وان جيت طايل
اعدها والقاف لا قلت مرموق
وابو جميل ان عد كل الجمايل
بالمن معروفه غدى هابط افروق
وابنصحه واعطيه كل الدلايل
ختم الدليل الي على النصح موثوق
اليا عطيت الناس مد الجزايل
ترى الكرم موروث للجيل بعروق
ولاتمنع المعروف لو هن قلايل
بعض القليل احيان يصعد بك لفوق
لو لا الكرم ما تشتهر ارض حايل
الي على المعروف لازامت احقوق
شمر لها بالطيب روس الطوايل
العاليات اتشوم عن كل دانوق
ويوم ان سال الغيم والشعب سايل
هيضني الهاجس على سرد منطوق
صحى ضميري يوم قلبي يحايل
عيني عن اسهاده ونومه بخانوق

 

[سيرين]

انشودة تألق بها الصباح بما أوفى حق الضوء
سلمت يمناك شاعرنا المبدع \ عبدالله البطي
ودام غيثك مورق بابجديات الالق
مودتي والياسمين

\..

 

[نادرة عبدالحي]

تمدنا بالمشاهد العزيزة وكل بيتا له نبراسه وطريقه

الشعر في منازل الكرام يتحول بين الايادي لدرّ من الكلام

هنيئا لنا بهذا العطاء ،

 

[بلقيس الرشيدي]

...
...

كَالندَى يَنسابُ بأرواحنا مَع خُطُوطِ الفَجر وغِناء المسَاء !
يِصح احسَاسك والبَنان

.

 

[رشا عرابي]

تُصافح إنصاتنا بجزالة قصيدٍ اعتدناها منك يا طيب

صِبغة أبياتك احتوائها على مرادفات الكرم والثناء
ووصف الشمائل وأرض الطيّبين

لك التحايا لائقة