الهموم اعضاء وزارة وحضرة الهاجوس أمير

[فالح البريكان]

	[POEM="font="Traditional Arabic,6,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ثارت أفكاري عليّ.. وطحت بايديها أسيـر=حاصرت قصري كتيبة جيش تدعمها المشـاه وطالبت رمعات قلبي ..حق تقريـر المصيـر=واعقدوا جلسة طواري قرر المجلـس وصـاه الهموم أعضاء وزارة .. وحضرة الهاجوس أمير=ومنهج الدولة قرادة حـظ .. والدستـور آه واعطوا الوهم اختيار اعلام؟ او منصب سفير؟=والبيان اللي تليتـه الوهـم هومـن تـلاه والخيال اللي وحيد معارض(ن) كل المسيـر=اقتراحه يعدموني.. لكـن المجلـس عصـاه واتهامـي بالخيانـة غيرهـا الشـي الكثيـر=وابعدوني لين يهداء الوضـع وتعيّـن قضـاه السكن بأول مغيب الشمس من بعد العصيـر=بآخر حزوم الشفق واول سوادة فـي سمـاه يحضر الهاجوس ربط افكاري بجنحـان طيـر=والعموم ومجلـس الاعيـان جالستـن وراه ثم في ريشت جناحه يربـط الفكـر ويطيـر=ومايشوف الطير دربه بس يكفخ فـي عمـاه ان رجع سالم سلمت الفجر من دربن خطيـر=ولانتهت حزة نهارة ... المساء حـزة لقـاه كنت واهم يوم اشوف ان لي عقـلٍ كبيـر=كنت محتاج لصموده بـس بيّـن مستـواه والله اني من عرفت الحـب ماعيّنـت خيـر=ضايق بسبع الاراضي.. لعنبوها مـن حيـاه وان بلاك الله بحب انسـان ماعنـده ضميـر=والله انـك ماربحـت ولاتهنّيـت بـهـواه لاشكيت الحال عنده قال: عندك شي غيـر؟=وان شكالك لو تلمه رمـش ماينفـع معـاه وان طلبته شي تافه قـال لايمكـن يصيـر=ولاتعشّمت بوصالـه هـو يجازيـك بجفـاه الاناني كـل حبـي شالـه بسلـك الحريـر=مايداري عشق لاجله ..والغلا هـذا غـلاه الامـل بالله كبيـر القـادر المولـى القديـر=يسعد العاشق وصال.. ويبعد الهـم وشقـاه[/POEM]

شعر / فالح عبدالله البريكان

 

[متعب المضعان]

فالح البريكان


حضور فاخر يربك المعاني


لله درك من شاعر اجاد حبك نصه

بلغة الابداع التي ترجمت لنا الاحاسيس

بابهى حللها .. وبروعة الصياغة التي اكتسها

ترف المعاني رغم ما احتوته من الالم


فالح


صح السانك الى مالا نهاية

ودمت ودام ابداعك

اخوك

متعب المضعان

 

[نـــجد]

برلمان هم على أعلى مستويات الألم

فالح البريكان
أجدت التصوير وبلغت المنتهى بجمال النص والتعبير

لك من الفرح دولة اماني

 

[العـنود ناصر بن حميد]

السكن بأول مغيب الشمس من بعد العصيـر

بآخر حزوم الشفق واول سوادة فـي سمـاه

***
يحضر الهاجوس ربط افكاري بجنحـان طيـر

والعموم ومجلـس الاعيـان جالستـن وراه

***
ثم في ريشت جناحه يربـط الفكـر ويطيـر

ومايشوف الطير دربه بس يكفخ فـي عمـاه

***
ان رجع سالم سلمت الفجر من دربن خطيـر

ولانتهت حزة نهارة ... المساء حـزة لقـاه

الله عليك

فالح البريكان

وصف حي

جميل بل أكثر

صح قلبك

ودمت بخير

 

[فالح البريكان]

المشاركة الأصلية كتبت بواسطة متعب المضعان

فالح البريكان


حضور فاخر يربك المعاني


لله درك من شاعر اجاد حبك نصه

بلغة الابداع التي ترجمت لنا الاحاسيس

بابهى حللها .. وبروعة الصياغة التي اكتسها

ترف المعاني رغم ما احتوته من الالم


فالح


صح السانك الى مالا نهاية

ودمت ودام ابداعك

اخوك

متعب المضعان

صح بدنك اخوي متعب


الحقيقة شرف لي تواجدك وردك

اسعدتني الله يسعدك يامتعب


تحياتي وتقديري

 

[عبدالله ثويني المانع]

..

** فالح البريكان **

أهلاً بك وبما حملت من جميل المعاني
تصوير رائع وخيـال واسع .. منحنا المتعة

لك الشكر والإحترام
دام تواصلك المبهج

أرق التحايا لقلبك

..

 

[شــمــ نـجـد ــس]

نكهة الشعر الأصيل أحببتها هنا ..

الشاعر فالح البريكان .

أنت ممن يحتفظ بهم الشعر ..

جميلة وأكثر ..

صح بوحك ..

 

[سعد مسهوج]

فالح


صح لسانك

عذوبة بنكهة عسكرية


استمتعت بقراءتها





احترامي