قــيـــس والعـامريـــه

[ناعم العنزي]

بسم الله الرحمن الرحيم

و

السلام عليكم ورحمة الله وبركاته

متواضعه

اتمنى ان تنال

رضا ذوائقكم

اليكم

[poem=font="times new roman,6,black,bold,italic" bkcolor="transparent" bkimage="http://www.ab33ad.com/vb/mwaextraedit4/backgrounds/14.gif" border="none,4," type=2 line=1 align=center use=ex num="0,black""]
صحيح لاقالو رعا الحب مسكين=واقرا حكاية قيس والعامريه
يعني تحب ولابلوك المجانين=مالك جدا غير اسمع الراعبيه
للحب دوله ماحكمها قوانين=تسرح بها العذال صبح وعشيه
وانا تعبت من الهوى والمقفين=قفّو ولاني محتري لي مجيه
مثلك حكايات الغلا والعناوين=شمس وحقيقه مالها أي فيّه
حظي معك مايختلف فيه الاثنين=لولا عذول(ن)حسده اغلا مطيه
يعني عشان اني رفيق الوفيين=والصدر بيت اهل الوفا والحميه
والنفس ازكا من رياح البساتين=عقب المطر في منطقه ساحليه
يحسدني العاذل ولا يدري الشين=اني على درب الهوى في هويه
يومي عطشت مواصلك قبل عامين=حركت كفي لجل ابشرب شويه
طاح الرشا يوم(ن)سهت عنه اليدين=في قاع بير فمقطعة مهمهيه
حتى الركايب يوم قفّت عن العين=ساقت وراها كل ذكرى عليه
لولا الرجا في خالق الناس من طين=وموزع الارزاق جزل العطيه
كان البشر من قل الامال باكين=والحمد للرحمن رب البريه
في كل حال وجرح الايام كاوين=فوق الجروح المبطيه والطريه
جرحك فرق عن ماسبق بالملايين=كيه ولاكن ماهي ايات كيه
سلم على ميقافنا يااريش العين=واسلم وسلملي على كل طيه
من دفتر الذكرى والايام وافين=مافيه طيه مابها جرح ليّه
وابيك تسمع مابوصيك يازين=رغم الجفا رغم الحياة الشقيه
لاهب ريح(ن)فالعلايق طواعين=وفاحت جروحك فوحت الشاذليه
تعال فضفض باوسط القلب بعدين=نقرى حكاية قيس والعامريه[/poem]

وسلامتكم

دمتم بالف خير

 

[صالح الشملاني]

كثير من النصوص الشعر التي تقلب ذاكرتك الى الزمن الجميل والعشق النبيل وحياة البياض !
ناعم .. قرأتك بصمت عالي يشاعري الجميل
ولازلت اتنفس احرفك الصادقه

جميل حضورك واحساسك وصح قلبك

 

[ناعم العنزي]

المشاركة الأصلية كتبت بواسطة صالح الشملاني

كثير من النصوص الشعر التي تقلب ذاكرتك الى الزمن الجميل والعشق النبيل وحياة البياض !
ناعم .. قرأتك بصمت عالي يشاعري الجميل
ولازلت اتنفس احرفك الصادقه

جميل حضورك واحساسك وصح قلبك

اخوي صالح الشملاني

صح بدنك واعتلا شانك مدد لاعدد

والف شكر على كمية الرقي في مرورك

لاخلا ولا عدم وانا اخوك

تحياتي وتقديري لك

دمت بالف خير

 

[عبدالإله المالك]

الشاعر/ ناعم العنزي

أبيات ابداعية ولا أروع .. وتغني نفسها.

دمت بود

 

[غنى طارق]

/،

ناعم العنزي .. أبيات جميلة جدا
صح لسانك و بدنك