الحزن حاكم والنوايب سلاطين
وجه الفقر يحكي سنين الغرابه
عِدلن تعدّن ماتعدّن من سنين
طيٍ طوني تحت رمش الكأبه
أحلام مرن لعن أبو خافقي حين
يشتاقهن من دون يدرك صوبه
منهن عليهن عبرتي والبكا شين
وأدريه ماينفع ولكن عسابه
وشعاد لو انك عن الحال تدرين
لجلك تولعت السهر والصبابه
تعربدي تعربدي فـ الشرايين
أصلاً غرامك نشوتي في عذابه
لاتسأليني وين من وين أو وين
أنا القلم لاطاح حظ الكتابه
سجلت لك بأحلى التواريخ سطرين
ما مثلهن أو مثلهن وان تشابه
ودموع عينك والغلا والمساكين
ماخنت لكن كشر الوقت نابه
الريح تلعب والملامح شياطين
وجه الشتا صفّق سنين الغلابه
سعد البردي
آخر المشاركات
10-04-2022, 10:43 AM
وجه الشتاء/
العرض الشجري