نطرتَك سنِه .. وي طول السنِه ! واسأل شجر الجوز

[شعور]

-

ذبل وجه الحياه في غيبتك و أزريت !
... ... ... ... أجمع في رحيلك باقي عزومي ،

لك الله ماعرفت أبكيك من قفيت ..
... ... ... ... وتدري بالبكى ماهو من سلومي!

بقد؟ الجرح والا قد ما حبيت !
... ... ... ... أحس ان الممات اقرب من هدومي

ولا يسعفني اكتب قد ما ظنيت
... ... ... ... ألاقي بك وطن يا سيد همومي !

 

[شعور]

-

على وشك الغرق لكن . . !
... ... ... دعاوي أمي تجودني

خطاي ان ظاهري ساكن . .
... ... ... بـ دعوه : من يزودني ؟

 

[شعور]

-

بآخر رمق جيتك . .
شايل معي قلبي !

وتسألني حبيتك ؟
اي والله وربي ..

 

[شعور]

-

اصعب شعور تحاول توصل شعور !
... ... ... ... تحاول تحاول تحاول و.. تسكت

 

[شعور]

-

يا نجود صدي عني اليوم تكفين !
... ... ... ... ما ودي أحدٍ يلمح دموع عيني

بالأمس كانوا لي ربوع ومحبين
... ... ... ... واليوم أقٌلب في الخلا راحتيني

ماغير أغني ياجموع المقفين!
... ... ... ... ترى حرام اللي تسوون فيني ،

صوتي تحشرج مالقي له مواسين
... ... ... ... والحمد لله ما تخلت يديني !

لكني احتاج لـ ضياعي جناحين
... ... ... ... يمكن مساحات الفضى تحتويني

لٌني خٌذلت إلين مادري وش يلين !
... ... ... ... وشلون أوصف وضعي بكلمتيني؟

خذلانهم يشبه مزاجات تشيرين
... ... ... ... وأدهى من الخذلان قسوه حنيني

والدمع يحرقني ، مع الدمع بعدين؟
... ... ... ... يا نجود عن حكي العرب جنبيني

و ياروحي امتنعي عن الحزن تكفين
... ... ... ... مصير حقٍ لا تخبى؟ يبيني ..

اياك ثم اياك واياك تبكين
... ... ... ... ما قصروا بك من عجاج السنيني

من قبلهم يا ما تخلوا موالين ..
... ... ... ... هذا وهم مع الاسف عارفيني !

وانا مداريتك وانا بنت عشرين
... ... ... ... الحين؟ بعد العمر ذا تحرجيني

بكره يعوضك الزمان وتصيرين ..
... ... ... ... أقوى من جروح الزمن صدقيني



شعور

 

[شعور]

-


الليالي قد ما تأذي! تعلم . .
... ... ... ... والحظيظ اللي فهم درس الليالي

 

[شعور]

-

الله لو تقدر تعانقني !
... ... ... فيني بكى متمسك بعيني..

احتاج في حضنك تدثرني
... ... ... وأكون في وجهك وتحميني

مابي وانا بحضنك تكلمني
... ... ...لان احتوائك جد [ يكفيني ]

بس العب بشعري وعلمني
... ... ... ان " الله سبحانه" بيرضني






أنا ما أعرف أحتاج ! وأحتجتك ..]

 

[شعور]

-

خُلق الأدب حر ، فـ لأي تهمهٍ يقيد !

نزار شاعر المرأة كتب الكثير من التجاوزات ومازال شاعر المرأة ومن أبرز شعار الأدب
وأبو نواس رغم النصوص المحرمة لم يمنٌع من حريته

فـ بأي حق نمُنع نحن !

من لا يؤمن بحرية الأدب ليس عليه فتح أبوابه للأدب بادئ ذي بدء

تسجيل خروج .