اوراق مبعثرة!!!

[محمد علي الثوعي]

*‏يا ليتني جنبت بعض الأوادم*
*من يخلطون السم داخل عسلهم*


*رافقتهم واليوم بالفعل نادم*
*الله كشفهم من سوايا جهلهم*


*اهل النميمه والحسد والتصادم*
*يوم القيامه يحصدو سو عملهم*


*اقدر اهد السور وابني مرادم*
*وارقا على روس الشواهد جبلهم*


*محمد الثوعي

 

[محمد علي الثوعي]

لا ترفع اللي .ماعرف قدر نفسه
وده ينزل قدر.... غيره..ويرقا

محمد_الثوعي

 

[محمد علي الثوعي]

لساني بالمواقف هو حصاني
........وافسر كل .معنى .. قد قريته

ولوهي بالشعر جات الاماني
........خذيت المنصب اللي مارقيته


محمد_الثوعي

 

[محمد علي الثوعي]

.........الجادل اللي مع الالحان طربانه
.........تقول تسمع طرب رديت انا ماسمع


.........النفس ماهي مع الانغام شفقانه
.........العمر روّح ومالي بالهوى مطمع


.........اطرب لمطلق وابن مستور وإخوانه
.........شعار في ساحة الميدان ماتخمع


.........جيل ٍ توارى بعد ما ثبّت اركانه
.........الشعر في عهدهم مضمون مايهمع


#محمد_الثوعي

 

[محمد علي الثوعي]

الشعر ماله .. في . غيابك .. مكانه
يا ملهمتني في ... غيابك ... غيابي

مافيه بيني ..وبين .. غيرك ميانه
مقفول . بابك ... وانا صكيت بابي

كل ٍ على ..ماقيل ..يحفظ .. لسانه
والود ..يبقى ... بيننا ....ياعذابي

العشق ماودي ..نحطم .... كيانه
بعد... البدايه ..حبك اللي ..سطابي

باب ..الأمل مفتوح .عندي .ضمانه
ادرا .. مشاعر من .. ضميره ..هقابي


محمد_الثوعي

 

[محمد علي الثوعي]

اجمع الفكر واكتب من ضميري كل شطر ٍ يعبّر عن شعوري
ياقصيدي ..تجنّب كل زله كلمة ٍ .تنحسب.. ذنب ..وتردّي


مالك الملك يغفر ذنب عبده واسأله فالتجاوز عن قصوري
واعذاب ..النفوس.. اللي هواها يجلب.. الشر عيّت لا تهدّي



محمد_الثوعي

 

[محمد علي الثوعي]

في ذمتي مالك علينا مشاريه
ياللي تعاتبنا على غير مصلوح


الطيب من شخصك بعيده محاريه
لو كل ليله جيت زاير ومشفوح


درب المراجل كايدات ٍ مساريه
ما يعّبره رجل ٍ بلا عزم وطموح


من قدّر الاصحاب سمحه مواريه
مايقبل الهزله عزيز ٍ وممدوح


اللي صدق معنا ترانا نداريه
هذا مكانه بين الاضلاع بالروح


شخص ٍ تردا بالخطأ مانجاريه
لو كان قلب اللي يحاكيه مجروح


شفنا نسولف معك هرجك نباريه
ليتك تعد الحق ونقول مسموح


محمد_الثوعي

 

[محمد علي الثوعي]

جات المشاعر بالشعر مختاله
تقبل على بيض الورق خيّاله

والشعر ياعالم رفيع القامه
عند الذي بالفكر يبني حاله

شاعر تغنّى بالقوافي وأطرب
والشعر دايم مبدع ٍ بارساله

ماخاب شاعر في المشاعر غرد
في سبك قافه ما حد ٍ يرقاله

يبقى رفيع القدر باعلى منزل
شامخ ولا ينزل كبير القاله

محمد الثوعي