نَتِيجة : - 1 - [ You Tube ]

[الشعر الشعبي]

أَبْعَادِيُّونا الكِرام

عَلى ضَوءِ الشِّعر .. وقفنا مَع مُشاركات أربعةِ شُعراء وشَاعِرات .. مَنحونَا جَميل حروفِهم / حضورِهم
أجزِم أننا أورَقنا كـ جنائنَ بهِم .. حِين وهبونا سِحر الحرف ورفاهِية اللّغة وطلاوة المعنى
قبائِلُ الشّكر تَترى لِقلوبِهِم قلباً قلباً../ وستظلّ نصوصهم ملءُ السّمعِ والبَصر





[ نَبْضُ شُعَرَائِنَا ]


[ 1 ]

الشَّاعرة : سـ/ماء غَازي


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وش ابي بيدين تملاني وتبعثني حكايا !=من بداية (كانت اطهر) لين (هو ليه البعاد؟)
يالظلام اللي يطوّقني وكنه لي مرايا !=اعطني من فيض ترحابك لي عيونٍ جداد !
ولاّ خذني في دموعي للغياب من البرايا= انت الأصدق يوم خان ابي القريب من العباد !!
هاك يدّي جيت لك باللي تكاثر فالحنايا !=مامعي غير أمنيات تموت لا ماتت بلاد !
كان لي شيٍ هنا .. ماردّته دمعة شقايا !=لا ولا الجمع الغفير اللي تلبّسه السهاد !!
من يردّ .. اللي بقى مما تبقى من بقايا ؟=آه عفواً ! غزة اجروحك تكاثرها الضماد!!
بعد ما ماتت سيوف الحق وانتثرت رزايا =وطاح صوت اللي ينادي بحي على الجهاد !
مالنا إلا بعض من ما لاح فعيون الصبايا=وانتفاضة ذلّنا , والجوع والموت الوكاد![/poem]






[ 2 ]

الشَّاعر : عَبد العَزيز الرميحي

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أه يا جرح العراق وجـرح غـزّه=الشحوب اللي ملا وجهك ملاني
نامت عيون العرب واهل المعـزه=والله ان اللي دهى غـزه دهانـي
العرب وجيوشهم كشخـه ورزه=والسلاح مكدسينه للهوانـي
أدري أن طعون غـزه مـا تهـزه=الضمير اللـي تهزهـزه الاغانـي
كنت اظن اجروحنا تشفى بحـزه=واثرها تكبر علـى مـر الزمانـي
من هو اللي ما أستفزه ما أستفزه ؟=مشهد الطفل الرضيع اللي يعانـي
قبله الـدره محمـد فـي مفـزه=طاح يوم اللي رمى قلبـه رمانـي [/poem]

[ 3 ]

الشَّاعرة : رَزان العتيبي



وترقى آهتك دخان ..
إلين تلامس عيون السماء ..
وتفيض دمعتها ..

ألم وأحزان ..
يعبّي فارغ اوراقي ..
وأحسّ الكلّ تاركها..

ويتشكل ..
أسى الخذلان في ذرّاتها | وتصيح ..

أمانه ياعرب ..
وين الأمان اللي وعدتوني ..!

أمانه ياعرب ..
وين التآخي .. ذِبلت عيوني ..!

وبدت تصرخ بدون شعور ..
خذتها تمتمات النور ..

أناديهم ...
ويرجع لي الصدى " ملّوا "

وأنااديهم ..
ويرجع لي الصدى " ذِبلوا "

وأناااديهم ..
ولا أسمع سوى صمتٍ .. تعب من كثر مَ تكلم ..
يرجي واحدٍ فيهم .. يفك القيد من يدّي
ويطلقني .. من أسوار التعب والآه ..
وأصير أمشي .. يديني تضمها ايديهم ..

شحب وجهي ..
وخط هذا الزمن في ملمحي .. تجعيدة الحرمان ..

مضت ستين .. وشابت كل أطرافي ..
من الضفة اللي في غربي .. إلين حدودي في شرقي ..

وسمعت أصوات هالأطفال ..
تنادي .. لي متى يعني !
يدين الظلم تذبحنا !
ولابه حد يسمعنا !
ولابه حد يسمعنا !
ولابه حد يسمعنا !
ولابه حد يسمعنا !

وتخنقني حكاويهم ..
في عَتم الليل ..
وأبكيهم ..

وأصاعد آهتي دخان ..
يلامس هالسماء يمكن ...
تحن قلوبهم ليّا .. وتحييني

[ 4 ]

الشَّاعر : نَاصر بن حسين


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على الله يمر الصُبح [ عابر ] يجر لحون= تجي معْ نسانيسه عصافير [ مجتمعه ] !
مدام العرب نامت كفيفه .. بدون عيون !=طبيعي نشوف الذلّ ساهر .. معه شمعه !
وانا ماذبحني .. غير طفله ولو تدرون :=بدل ... ماتضمّ ألعابها ... ضمّت الدمعه !
صغيره يطيح الصمت من عينها | زيتون= إذا الظُلم كسّر غصنها تلبس [ السُمعه ]
متى نشعل أعداء الكرامه ورق كرتون ؟=قبل لانشيل الخوف دفعه / ورى / دفعه !
حَلَمنا : نكون إنكون وقلنا نكون إنكون !=صحينا : نهار السبت نبكي مسا الجمعه ![/POEM]






وقد كانَ مِن بَيْنهم الفائز بأعلى نِسبةِ تصويت وهوَ الشّاعر :
نَاصِر بن حسين

مُباركٌ لك / وعليكَ ..
وشُكراً كَما ينبَغي ../ لجميل ما قدّمتَ


الجائزة :

تمكين شَاعرَنا من الإنترنت لمدة [ سنة كاملة ] ..
و [ بِسرعة فائِقة ] .






أحبة الضَّوء :

لِقاؤنا بِكم سيتجدد غداً السَّبت الساعة [ الثَّامِنة ] مساء
ومع : - 2 - [ You Tube ]


كَـ الصُّبحِ أنْتُم ..
كُونوا حيثُ نحن ../ لـ نتنفّس الفرح بِكم