صندوق الرسايل

[تركي النومسي]

السلام عليكم ورحمة الله وبركاته


اعتذر عن الغياب

واليكم هذه الابيات

[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/.gif" border="groove,7,sienna" type=1 line=0 align=center use=ex num="0,black""]بعد ماشفت صندوق الرسايل=بليلٍ مقمر ٍ والجو هايل
تذكرت الليال اللي مضنّي= وبالي منشرح والضيق زايل
بدعت من المثايل ماطرا لي=منقيها عن اقوال الرذايل
وانا لأرسلت لأفكار القريحه=يصفّن لي كما صفّ الفصايل
اثبتهن بعد دق التحيه=ويعطني من بيوتٍ جزايل
نصيحه ياولد عمي وخذها=رفيقك لاتدور به بدايل
علوم الناس لاتركظ وراها=تراها ماتجيب اللا الفشايل
اخذنا من زمنا العلم كله=وتجاريب الزمن تبقا دلايل
تراي اعرف صديقي من عدوي=واعرف اللاش من ولد الحمايل
اعرف اللي يساندني بضيقي=ماهو مثل اللذي مامن صمايل
واعرف الصاحب اللي قد حكابي=وعلى ضيقي ترا ماهو بطايل
عرفت اللي تردّا في خويّه=وعرفت افعال ذربين الفعايل
ورفعت النفس عن قول الرديه=لاعيل ولا تحمل كل عايل
ورجّال تجرّا في كلامه=وخلاّ الهرج بين الناس جايل
يبي ياقف بحده غصب عنه=وابطلع له نجوم القوايل
وترا من ماحشمني ماحشمته=وقدمه باشعل خشوم الفتايل
واحشم الصاحب اللي قد حشمني=وردي النفس ماني عنه سايل
سمين الهرج عندي يمتثل لي=ولساني ماعرف قول الهزايل
تجاريب المواقف علمتنا=وهذا الوقت ورانا الهوايل
ولا مني بغيت انصا بحاجه=نصيت اللي عريبين السلايل
نصيت الصاحب اللي ما يكنكن=حشيمٍ عندي من عيال وايل
يقول ابشر وسمّ ولايتعذر=عسا يفداه رادين الخصايل[/POEM]


وسلامتكم



تركي النومسي

 

[خالد صالح الحربي]

:

وَ لأنّ الطّاروقْ " صْخَرِي " ..
تَمّ تصخِير هذه القصيدة / عَلى مَقام الحِكْمَة ..
وَ كأنّ من كَتَبهَا / يَبلُغْ مِن العُمْر عِتيّا ..
وَ مَا أجمَل من يَسبِقْ عُمْرُهُ .
_ شُكراً تُركِي _

 

[سلطان المسلط]

وترا من ماحشمنـي ماحشمتـه
وقدمه باشعـل خشـوم الفتايـل

واحشم الصاحب اللي قد حشمني
وردي النفس ماني عنـه سايـل

سمين الهرج عندي يمتثـل لـي
ولساني ماعرف قـول الهزايـل




الله الله الله عليك ياتركي


فعلا نص جميل مليئ بالحكمه



شكرا على هذا الجمال


مودتي




سلطان المسلط

 

[العـنود ناصر بن حميد]

تركي النومسي

للحكمه حضور

ولك كل النور

صح قلبك

ودمت بخير

 

[سلطان ربيع]

تركي
وقصيده تحمل الوعي
والحكمه

لك تقديري

 

[تركي النومسي]

خالد صالح الحربي

الشكر لك على هذا الحضور الجميل


تحياتي لك

تركي النومسي

 

[تركي النومسي]

سلطان المسلط

اشكرك على هذا الحضور


تحياتي لك


تركي النومسي

 

[تركي النومسي]

العـنود ناصر بن حميد


صح قلبك

وشكرا لمرورك


تحياتي لك


تركي النومسي