مُعْتَكَفْ ..

[نوف الناصر]

‏وارتب شنطة الذكرى..
‏تفاصيلي .. واشيائي !
‏هنا جرحي .. جلال امي ..
وسجادة ابوي وحزني ..
واشلائي !
‏هنا صورة وانا طفلة
‏وحنة جدتي ( طَفلة )
‏واخطائي !
‏قصاصة ( نصّي ) الأول .. وأحلامي
‏همومي .. دفتر أشعاري
‏هنا قلبي .. دموعي .. وانكساراتي ..
‏خساراتي..!
‏هنا كلي مبعثر ..
‏من ألف روحي إلى يائي ..!

‏
https://x.com/too_simple_girl/status...539836135?s=46

 

[نوف الناصر]

‏مدخل/
‏" عدوي مضحكني وصديقي مبكّيني "
‏•
‏•
‏أحيان يبكّيني عدو واحيان يضحّكني صديق.!
‏والمفترض إن الصديق اللي يضحكني .. عدو.!

‏لو كانت انفاسي قميص يزرّها حتى تضيق.!
‏أو يستفز ( الحِلْمْ ) لا فكّك أزارير الهدو

‏اللي يخاويني ويتركني على مفرق طريق
‏راح اتركه وامحي الطريق اللي بأطرافه غدو

‏أيامي اللي كانت بْغفلة وِ توها تستفيق
‏مْنِ السّذاجة .. ليتهم يوم اخذلوني إبْعَدو

‏ياما رموني أصدقائي بين ( حزن ) وبين ( ضيق )
‏يا ما تغنوا بي ( نشاز ) وليتهم فيني شدو

‏ مدري يضحكني عدو والاّ يضحكني صديق
‏ماهمني ماعاد تفرق كلهم عندي عدو
‏•
‏•
‏مخرج/
‏تباً لهم ..!
‏•
‏•

‏15 مارس

https://x.com/too_simple_girl/status...187881915?s=46

 

[نوف الناصر]

‏تصدّق! كنت احَسْب انّي قبل حبّك قويّة باس
‏ولكنّي معك صِرْت الضّعيفة و انْكِسَر باسي

‏•
‏
‏24 يناير2024

https://x.com/too_simple_girl/status...-Zv_esWEdZ8POQ

 

[نوف الناصر]

[ حتمية الوداع ]


‏كان هذا الليل يورق فوق جذع النهار
‏كان يتشكّل قصيد وْ أمنيات وْ حنين

‏كان صوتك يهدل بْقلبي حمام وْ منار
‏قبْلَ اتوه بْإرتباك النّوته وِ النجمتين

‏كنت الحَّن أغنيات بْنغمة الإنكسار
‏كنت اغنّي وَ استفزِّ النّاي وِ العازفين

‏كنْت ارتّبْ منْ احاسيسي ملامح ْاطار
‏واحْبسَ الَّلحْظة فـ ِصورة ترْتسمْ من يدين

‏الْغيابِ الّلي تَركْ لي مفْترقْ اخْتيار
‏بينِ توْديعك وبينِ الْموتِ بسْ خطْوتين

‏صرت اسولف لك عنِ شْعوري بكلّ اختصار
‏واختزل لك إرتباكي وَ اسرد حْكايتين

‏لو ألبِّس حزني الضّافي ثياب الكبار
‏يمكن اخفي عبرتي في كمِّ شِعري الحزين

‏كنّ طعم الذكريات بْـ فمّي مثل الغبار
‏و الهماج .. الّلي تحدّر من هنا دمعتين

‏يمكن تْخون المسافة بوصلةْ الِانتظار
‏يمكن يْمدّ المدى صوتهْ .. صدى راحلين

‏والله اني لو أعبِّد لك ضلوعي مسار
‏تكْسر ضلوعي وتعْبر ترتحل مدري وين ؟!!

‏تدري لو أزرع مِنَ اعذارك ورود اعتذار!!
‏يْتيبَّس قبْلِ ما يزهر بـِ عذرٍ سمين!!

‏واتوجَّس .. واتردَّد .. باتِّخاذِ القرار
‏بين شكِّ الإتِّساع وْ بين ضيق اليقين

‏ممكن نْودِّع بعضْنا في محطَّة قطار ؟!
‏ممكن نْلوِّح … نودِّع ذكريات السنين ؟!

‏لوْ أهزِّ الليل يِتْساقط أرق فـِ النهار
‏أوْ أهزِّ الصبح يِتْساقط قلق معْ حنين


18 فبراير

https://x.com/too_simple_girl/status...112302324?s=46

 

[نوف الناصر]

https://x.com/too_simple_girl/status...691991631?s=46