السيّدات والسّادة :
أسعدكم الله وسعدتم بكل أوقاتكم "
إضافة بُعد أرجو أن يصل أو يقّترب من جمال أرواحكم 🌷
بين فكر اللاشعور وبين فكر الإختزال :
بين ترتيب الأماني والأغاني للغروب :
شايل الصبح بخفوقي عابِرًا فيه الظَلال:
عن مساءٍ من طموحٍ .. مسّنا منّه لغوب !
للرييع (ا)من الغياب وللعقيم (ا)من الجٍدال
عن نهايات الحدائق والسنابل والحبوب |
حتى واحيان المؤكّد يصبح احيان احتمال؟
من خطانا .. ماحسبنا مُمكن الجمرة : تذوب !
بين الأرواح النظيفة واللعينة والسِجال :
ما أهنّي غير قلبٍ لاطغى | يقدر يتوب !
يازَوال الشمس عندي حتى للفيّة زَوال!
ودّي اهرب لِلأمانة ..بس من وين الهروب؟
من تنفّس صبحها اللّي لوّن أيامي لِيال :
عوّدت كل الجهات الأربعة عندي جنوب !
من يصدّ الواقع اللي ماسلم منْه الخَيَال ؟
أو يعيد الماضي اللّي ماوراه إلا الذنوب ؟
مابقى فيني جوابٍ يقّبله أيّة سؤال؟
والنسيم العذبّ صاير ...نار وإعصار وحروب !
ماعرفت اليوم هذا أو قرأته في مقال !
لا ولا حتى مجازًا | يااصدق الناس الكذوب !
وش تركتي للزهور ؟ ووش تركتي للجمال؟
تُشرق الأحلام عندك حتى لو إسمك غروب!
فيك من أهل اليمين |وفيك من أهل الشمال ؟
فيك لَمعات الجنابي | فيك نسمات الجنوب..