عيديّة الجرح

[معجب الشمري]

ليست من أجل التخليد ، لكنها كانت بصوت مبحوح..
قد تكُون قصة ، وقد تكون غصّة..

تخيّلتك تجيني قبل اعايدهم وطن وصروح..
وراهنت القرايب انك المجني وانا الجاني ،

قليل بدنيتي كانوا يغنوّنك بقايا جروح
وكثير اللي معي كانوا يعرفون انك الحاني ،

الا ياعيدي الباهت زكاتي بك دموع ونوح..
عسى الله يقبل احزانك وانا بغفر لك احزاني

طلبتك لاتقهويت الفرح عيد بصباحك بوح ،
وقول ان الزمن عيّا يشيلك من على لساني..

تذكّر اغنية راشد على صورة حمام الدوح..
ودمعي لاسقط مع صرخته في حزني الثاني:

الاياوقت وين اللي على بالي يجي ويروح ،
هذاك اللي ملك قلبي وتفكيري ووجداني


(2)

لاعاد تطري : الوصال وخلها خيره
مادام ... جرحك بينثر : آخر اوراقي

ماعاد ابي حبك .. ولاعاد ابي غيره
الطعنه الي اوجعتني هدّت الباقي ،

الغصن لامال يصعب حيل تغييره
واللي خسرني بيخسرني مع اشواقي

اللي عشقته خذاني عن معاذيره
واللي عشقني هديته قصة احراقي

لاصرت سكين يطعن : والعذر غِيره ،
تستاهل اهديلك النسيان .. وفراقي ،

الله معاك ، ومعاك .. اصعب تباشيره !
مادمت تنسى ، اهنّي ساحل اغراقي

عايدني : الجرح قبل ، اعايد الديره !
من يذكر الجذع ، لامن فارق الساقي

انا اببعد ، وتبعد .... واقطع : السيره
وشلون احبك ( جروحك هدّت الباقي

 

[أحمد الهايس]

يا الله يا معجب
عيدي بك وبهذه المتصفح غير عزفت جرحك فعزفته على أوتار جروح لا تحتاج سوى ان تقرأ هكذا شعر باذخ
الصدق هنا وأقصد صدق المشاعر ورفعة الإحساس أعطت هذه النصوص الإثنين أبعاد إخرى
شعر يستحق القراءة مرات ومرات وشاعر يستحق المتابعة / فقط عتبي عليك بدمج هذين النصين بمتصفح واحد
رغم الترابط بينهم بالاحساس ولمستك لهم وبالرغم من أن الأول لم يتجاوز السبعة ابيات إلا أن كان من الافضل ان نتصفح كل نص على حدى من باب الإنصاف للإثنين معاً
كل الحب يا معجب وعيدك شعر

 

[معجب الشمري]

هذا ماتدثّر به البوح ياأحمد ، ولأنك لاتأتي الا بكل جميل فأهلاً بك..
بالنسبة لعتبك ، كان مقصوداً ومتعمداً ، فأنا لم اتركهما في معزل لأنني أردت ذلك عن رغبة..
فالفصل بينهما قد يُلغي رسالة عسى أن يأخذها زاجل الحنين ولو بعد حين.
لاعليك ، فأنتَ بمجيئك أتيت بالمطر ياصاح.

 

[عون القحطاني]

شكراً يا معجب على هذه العيدية
اهلاً بك يا جميل .

وكل عام وانت بخير

 

[عبدالإله المالك]

ونعايدك بخير يامعجب مثل ماعيدتنا به

جميل هذا البوح

 

[تبَاريح]

"عَايَدنيْ الجَرح" / قبلْ أعَايِد الدِيرَهْ
............................... مِن يّذكرْ الجِذع / لَامَنْ فَارقْ السَاقِيْ !
مُعجَبْ ! أسَمْ توّقعتُ مِنهْ الْإبدَاعْ .. للأمَانَه النَصوُصْ أتتْ بِ الصَمِيمْ :/ ..
لله درّكْ !

 

[معجب الشمري]

هلا بك ياعون ، وعسى اعيادك كلها افراح يارب..
حيّاك ربي ياطيب.

 

[معجب الشمري]

يعيده ربي عليك بالخير والفرح والمسرات ياعبدالاله..
تسلم ياعطر.