صمت منديلك!

[راشد مقبل]

السلام عليكم
طابت أوقاتكم يارفقاء الأدب
عذراً لاأجيد المقدمات

سحابة الوصل ماجادت....... هماليلك
تعبت أخيل البروق ولاامطرت لي سماك
القلب ميّت عطش ....... هاتي تفاصيلك
انتي من البارحه ...!مدري وش اللي وراك؟
أحيان أشوفك قريبه من مراسيلك
وأحياناً يضيع صوتي في متاهة مداك
لاجيت أببعد يشعّ النور في ليلك
وأرمي على راحة الوحده جبين الهلاك
الشوق ( مشتل جدب) مامرّ به سيلك
كنّي أنا الزرع !والساقي قطع عنه ماك
مالله عطا المستحيل يلين به حيلك
ومالله كتب طير حلمي يهتني في فضاك
لارحت أبشكي عليك أجيك وأشكي لك
كني حبيس الدروب اللي غوت منتهاك
ان كان باقي بدربي شيء يعني لك؟
لاتتركيني على شرفة غلاك وضماك!!
طلّي على ظلمة أحلامي بقنديلك
خلي ( وهم ليلتي) يحرج هدوّه مساك
خطاك نزف الجروح وصمت منديلك
مدري الى وين؟بلقى لي صواب ف خطاك
لو تعزف أوهامي البيضا مواويلك!
على جروحي وتاخذ دمع عيني فداك
أهديني إحساس ليله وأركض أهدي لك
عُمْر أنهكته الجروح وبسمته في سماك

راشد مقبل