:[ مَـوْطـن الـضّـي

[هنادي المطيري]

ودي تجي ياساكني تطرد الغيّ
ــــــــــ ودي احس وياك بأحساس ثاني




حروفج غير يا هيفــا
والله اعذب من هـ النهر ما شربت !
انثى الجمال والاحساس المرهف ، اختزلتِ كل ما فيني
في هذا النص !

عسى شمس قصيدج ما تغيب
والله لا يحرمنا هـ الروح

ودّ ،

 

[خلف المهيلان]

المشاركة الأصلية كتبت بواسطة هـيـفـااللاّفـي

عطني يدك
ببحر معك لأبعد مدى
وأتأملك وآلملمك بأحساسي
وأنتَ..تطوح صوتك
ونبضي صدااك
وأعشقك ..
.
.

خذني معك ..
اعشوشب وأنتَ شذاي
اسقي لي الوادي باطلالة فجر
يكسيه ديم الحب
وانبت لك أنا..

ميقات حبي أنت لي موطن الضّي
ــــــــــ وشوش لك احساسي غرام وأغاني
انبت لك أشواق وترانيم ياميّ
ــــــــــ بيرك أنا وأنتَ لبيري سواني
أتنفسك مادامك بداخلي حيّ
ــــــــــ وأفيض لك شعر وشعور ومعاني
لامن قست شمسي ألاقيك لي فيّ
ــــــــــ ياللي غرامك انغرس في كياني
اسهر مع طيفك ويشتاق لك بيّ
ــــــــــ فيني الحواس الخمس وسط المحاني
ودي تجي ياساكني تطرد الغيّ
ــــــــــ ودي احس وياك بأحساس ثاني
وأهيم أنا وياك وايديك بيديّ
ــــــــــ يانبضي وشوقي وقربك حناني
لو كان عودي بالمحبه ترى نيّ
ــــــــــ لكني أوفى من جميع الغواني
مهما حصل أبقى أنا طفلة الحيّ
ــــــــــ يبقى عبق حبّك حبيبي بمكاني
غير المواصل ما ابي يالغلا شيّ
ــــــــــ الأمنيه هي تختزل لي الأماني ..

,
,
ود لـ قلوبكم

هيفاء شكراً لمطر روحك العذب نص تدفق فيه الاحساس والمشاعر الصادقه
تكتبين بوعي ونستوعب جماليات مفرداتك المبتكره
كوني بخير ود

 

[أحمد الهايس]

لو كان عودي بالمحبه ترى نيّ
ــــــــــ لكني أوفى من جميع الغواني

جميلة جدا ً يا ((هيفاااء)) نص أشبه ما يكون بحظورك الأنيق
كل الود والورد

 

[رحيل عواد]

موطن جمال يا هيفا هذا البوح الراقي

 

[أكرم التلاوي]

الأنيقه هيفاء الافي

تأتير بالجميل المتفرد
نص أنيق تماما كروحك

أسعد الله أوقاتك

 

[محمد السالم]

مهما حصل أبقى أنا طفلة الحيّ
ــــــــــ يبقى عبق حبّك حبيبي بمكاني
غير المواصل ما ابي يالغلا شيّ
ــــــــــ الأمنيه هي تختزل لي الأماني ..

ـــــــــــــــ

أيتها النقية
بل ستبقين بالغة الشعر والمشاعر

 

[حابس المشعل]

المشاركة الأصلية كتبت بواسطة سحر المسا

مَـوْطـن الـضّـي

بالضبط .
جميلة ياهيفا .. دائماً .

 

[وديع الأحمدي]

هيفاء اللافي

نص جميل , تنطق منه روح الأنثى بسلاسة وعذوبة ,
التقاطات كثيرة جميلة ,
ولوعيك :
أتفق مع ماجد العيد في ملاحظته ,
المفارقه بها لبس , ولا تليق ..

قادرة دوما على كتابة الورد
دمت بـ ود


تحاياي