نَافِذه !

[سعيد الموسى]

[ عفاف ]
—

آه .. كم صدري على صدري يخاف
__ صبره : أنبت من ثرى بعضه يدين !
كيف أصير الما .. ويملاني الجفاف !
__ كيف أكون الشكّ ولساني يقين ؟
كيف أكون الكيف في "وجه" الخلاِف ؟
__ والبشر ذولا بصدري راكضين !
من يقول الناس : هذا الفاس؟ حاف
ماهو أبخص إن ذولا الناس : طين
هو صحيح أزريت هذا الالتفاف ؟
__ أو هي الدنيا - كذا مدري ل وين !
أو هو اني - منّي " الظاهر أعاف ؟
__ أو عساني: ثار - في حَلق السنين ؟
آخ -من كل شي - يسعى بي- وطاف !
ناس تركض -ناس توقف - ناس / مين؟
ليت فـ الأصوات عينٍ : ما تُشاف !
__ كان أقول الصمت : موت المتعبين
كم قصيدة تنكتب - والحبر جاف
__ سيّلت معها القوافي- دمعتين
يغفر الله كِلّ ذنبك .. ياعفاف !
__ أحضنيني من بعيد - ولاتجين!


___


[ تنفُس عميق ]

—-


وشهو اللي يحتريك ؟
ملّت جفونك .. يديك !
ماتعبت من الوقوف ؟
وآخر أصباعك .. يطوف
لين آخر .. وجنتيك ؟
تسحب " انفاسك "
" وتزفر "
شفت: هذا الضيق
" يكثر " ؟
شفت :قسوة هالحياة ؟
وأنت في هالحال
تذبل ..
طاح من عينك .. وبل !
قال : تنبت ..
كنت في أعلاك
" منصت "
كنت
في أعلى سماءك ..
لكن
أوجعني .. نداءك
صوتك
أرهقني : وجيت
ذوق
بعضي لو ضميت
جيت
أبددّ كل جفافك !
قلّ
لهالصحراء " تخافك "
بكره تزهر !
بكره تثمر !
ليه تزعل ؟ ليه تنحَل ؟
وأنت أعظم .. وأنت أجمل ؟
قلت : تسأل ؟
كل هذا .. ومايخالف !؟
قال عارف .. والله عارف
بسّ شِفني !
ماانت شايف؟
جيت مثل السيل :
جارف !
أمتلت بي .. تُربتك !
جبت بنتي : دمعتك !
عاندتني .. وتسمعك !
شوفها :
ب آخر " يدك "

 

[سعيد الموسى]

يُفترض أن يكون هذا النص : أغنية ، صُنِع لذلك
كان اللحن جاهز - ركبت عليه الكلمات فقط .. وأعجبني أنه على قافية ساكنة في الصدر والعجز ..
لذا شعرت أن هذا التحدي رائع وجميل .. لاأعلم حتى إلى الآن أين وصلوا بها .. هل أنتهوا منها أو لا ..
لكنني لااسأل إذا كانت لدى فارس بدر -

لذا :

كل شي يهون لاشفتك بخير
__ واجمل الاشياء عندي بسمتك
قولي أحبك : ودّي الليله أطير
__ آه ياحلو الحكي: من شفتك
كل أحبك - منك فيها - شي غير
__ توزن الدنيا إذا هي كلمتك
ياللي خدك - فيه خدك - يستجير
__ كيف حزنك - فاض مزنة - دمعتك
ياللي صوتك ملمسه مثل الحرير
__ هاتي أحبك : في حياك وضحكتك
انتي حتى الحب منك له ضمير
__ في رضاك وفي سكوتك رقتك
ليه خدّك من حلا خدّك يغير ؟
__ ياام شامه ماقوت بك ضمّتك
أيه أحبك - قبل أحبك - للأخير
__ وأنتي حتى الريح مرّت "باستك "

 

[سعيد الموسى]

*

________

*



في سنين من الظما ..
ماتخيّرت " الضما "
كان صمتي
كنتي أنتي !
ليه مايشبعِك .. نَبتي ؟
ليه ماشفتي : السكوت
صاحبه حرّ - ويموت !
ماعطيتِك : شوك تين
جيت أقدّم وردتين !
ماوهبتِك : قُبلتين
بس وهبتك : قِبلتين !
هذا قلبي
هذي إيدي !
ماتحسستي : وريدي ؟
ليه أنا حاضن يِدك
وأنتي أفلتّي / يدي ؟
ماتخيّرت الغياب ..
من يبي هذا العذاب ؟
لكن أخترتي - ورحتي !
كنتي دمعه :
بسّ طحتي !

•
.
.

 

[سعيد الموسى]

___


ترى ماتوجع الدنيا !
ولا توجعك هالاشيا !
ولا هم يوجعون : الناس !
كثر مايوجع : الإحساس
وجعك - إنك
إبن أصلك !
ترى المخطين " هم أهلك "
مرّبينك .. ومتأدب
وهذا الكون : مس.. تكلب !
أبد : ماهو خطا هالناس !
تجي ايدينك من " الالماس "
تبي تحكي عن الرفعه .. لشخصٍ فاقد السمعه ! ؟
تبي تحكي عن المبدأ - لشخص ٍ طاف يتعّرا ؟
تبي تحكي عن القيمه - لشخص ٍ فاقد الشِيمه !؟
عجيب إنك - تجي بالورد !
تقدّم هالجمال - لـ قرد ؟!
ترى أحياناً - قل الغالب !
يطيح الماء - على الشارب
ولا هو ضّار / هالشارِب !
وإذا - تسمع : تبي تسمع ؟
تشوف إيديك ؟ هالأصبع ؟
يبي لك - ترفعه / أعلى !
إذا اللي يلمحه : أدنى !
كذا الدنيا - كذا الاشيا - كذا الفوضى - كذا تحيا !
يبي لك بس تأشيره !
ولا تزعل - ولا غيره !
ومدّ أصبع - أبد " ينفع " !


____

 

[سعيد الموسى]

_______

*


أعبري بالصمت ..
صوتي !
في حبال الشعر ..
فوتي !
في مشدّه - دون شِدّه !
في ضلوع الصدر
عجزه -
ياللي أصدق وصف :
حرزه !
هاتي شَعْرك - مرريه
بين كتفه - وبـ يديه !
للشعر هذا : جسد
جربي إنِك تلمسيه !
جربي إنِك تحضنيه !
قطعةٍ منّي : خذيه
وبجبينه : قبّليه
أحفظيه من العُقد ..
أنفثي عنه : الحسَد !
صيري أمه ..
صيري بنته ..
صيري صحراءه ونبته !
صيري : ضيّه بالظلام - أعبري به هالزحام - شكلّي بعضه غمام !
وأمطري به -
بلليه !
لين ينبت فيك - منك
ياحبيبه ..
ياحبيبه ..
شوفي الدنيا - غريبه !
لا تغرّبتي .. أسكنيه !
موطنك شِعري - وصدري !
هاكِ الأوراق - وأقري !
هو بعد هذا : ورق ؟
قولي إنِك : بنت شِعري !
وأسألوا هالناس : تدري
من يقول إنِك : بدون ؟
وأنتِ للأشياء - لون !
ماوهَبه الله .. عيون !
قولي لهذا : الزمن !
أنِك لوحدك : وطن !

______

*

 

[سعيد الموسى]

https://youtu.be/7kA25GcDj9Y

[ عَم إمشي وتِمشي فييّ الأرض ] 💔

 

[سعيد الموسى]

آخر حدود الأكتئاب ..
يزعجك صوت
" أغلاق باب "
.
.
وأنك بشر " لازلت حيّ "
ماعاد تشعر " باايّ شيّ "
-
وأنّك إذا شفت " السحاب "
ماطلتها - وشفت الضباب !
-
وإنك إذا شفت البحر !
يوحي زراقه بالغدر !
ماقلت ذا لون الحبر !
قلت أعمقه : جداً قذر !
-
ياسيّدي وإن شفت : ناس !
كنك تشوف : ايدين فاس !
تمشي - وتوزع بسمتك !
يمكن - بتشطب فكرتك !
والناس : فعلاً لعنتك - لو فيهم اللي يسمعك !
إياك وأحذر " يخدعك "
هو يستلّذ " بدمعتك "
هو " معدنه مو معدنك "
أكبر طموحه " كسرتك "
مشغول بك : في عثرتك !
تتوقع إنه / يجبرك ؟
تتوقع إنه : يعذرك ؟
عطشان : يشرب دمعتك !
ياكل - ويطفح سُمعتك !
-
تمشي
وتصدمك الحياه !
لوتصعد بقمّة جبل .. تصرخ بصوتك : ياحياه
عاد الصدى : يحمل حصاه !
-
ماودّك إني أكتئب ؟
والكون هذا مضطرب !
وشلون أقول : إني بخير !؟
ماكِل " تـ "
ماني بخير !

 

[سعيد الموسى]

-

مااملك الواقع
- كثير !
لكني أملك : بسمتك !
لو قلت لك :
ماني بخير !
أكذب
" واحبّك كلمتك "
ياحلوتي -
ياام الضيا
بنت الحيَا - كل النسا
هو فيه حاجه : توزنك ؟
ياسيدّة : بحر الشعر
يافاتنة " تحمل عطر "
يابنت تفرق : عالبشر !
ياللي صبرتي عالصبر !
ياللي إذا وجهك عَبَر !
كل الوجيه - اللي تمر
من هيبته : لك تعتذر !
وجه انخلق : منه الزهر !
اسألِك باللي : صوّرِك !
لايوم - تنزل / دمعتِك !
وإن صار " تروي تربتِك "
قولي لها : لاتَرتبك - هذي يِدي " وترتّبك "
صدري معِك " ويربتّك "
لا يحزنك حاجه أبد - ماانتي قليله : أيّ احد ..
أنتي بنيّه : عن بلَد !
وشلون : تنبت غيرتك !
واللي سقتها / دمعتك ؟
حتى : أثمرت في شفتّك !
وأهتّز غصنك - يرتجف !
من آخره - للمنتصف !
حتى على خدِّك : وقف !
-
ياليت لي " أيّة " مجال
وأقدر أحبك " بـ اعتدال !
قولي : سعيد من الجنون !
يشوفني بكِل العيون !
قولي : وهو كل الرجال !
أزريت أقوله : بالخيال !
قولي : نكَث في كلمته : اصبحت مثل بنيّته !
وأحياناً أمّه !
- خيّته -
وأحيان من حنيّته !
أخطي - وتركض جيّته !
ماهانني - ماضامني : مااذْكر زعل : ثِم خانني !
أذْكَره عن 100 رجل / وان ضمّني - كنّه طفل !
-
بنت " الكثير "
من الضياء !
وتغار من " بعض " النساء !؟
هن وينهن ؟ مااشوهن !
وان فيه :
" وحدك تاجهن "
يالأوله - والثانيه : والثالثه - والعاشره
ياناصعه : يالفاتنه -
ياقلب قلبي وآخره !
وحدِك بصدري : ساكنه !