تَحويشة شعر ♫

[سُرَى]

قَابِلَة للنَّقل .. للتَّخطّي
الّلي تشوفونه :

أَكتُب
لِأُقنِعَ الرّيحَ أنّي
ما زِلتُ جَرَسًا مُشَاغِب !


وقَّف المَعنى وأنا واقف .. على رهــــن الإثارة
أَنْتِظر .. ما احبّ أعيش الّلحظة اللّا شاعريّة

بيني وبين الشّعور المنطفي .. باقـــــي شَــــرارة
بيني وبينــــي اشتعالـــي : ثورتيــــــن وبندقيّـــة

لين صاح الّلي بقلبه مِــــن ورا النّخــــــوة حرارة :
الوطــــن مـــا هـــــو وطنّــــــا والمشاعـــــر أجنبيّة

..............................................!!!!
خاصمك لون الوضوح وصرت باهت يا خسارة !
ما كسبـــــــــت مــــن التَّمرُّد لا ثـــــــواب وْلا خطيّـة

الصَّــدا جـــــــرح الحدايد .. وانت قلبك في يســاره
ما براه إلّا صدى صــــوت الحـــــــــروف العنجهيّة

كيف ظلّك طاوعــــــك بالله تمشـــــــي في جــــواره ؟!
وانت ما تستوعبك حتّـــــــــى ظـــــــــلال الأبجـــديّة ؟!

أضعف إيمان الشّعور تحس .. ما ودها مهارة
وأنبل أنــــــواع القلوب تخــــــــاف مـــــــــن ردّ الأذيّة

ليت لــــوّ إنْ القصــــــايد في يدين المــــــــوت غارة
شفت لي شطرٍ يموت من القهر والنَّاس حيّـــــة

وش يكون العطر لــــــو ما نيّــــة الجــــــوّ انتشاره ؟
وش تكون أجوائك إنْ ما استوعبت للعطر نيّة ؟

وش يكــــــون البــــوح لو ما كنت الأولى بانتصاره
وش يكون الصَّمت لـــــو مـــا كان نصفه أولويّة ؟

لا تَكُــــــــن شـــــــاعر يخاف يمـــوت باكر من عبارة
لا تَكُن خوفًا يمـــــــــوت الشّعــــــــــر مِنْـــه ابلا قضيّة

ولا تحــــاول تســــأل السُّكّر عن إحســــــــــاس المرارة
حاول تعيش المَـــــــرار .. بكــــلّ لحظـــة سُكّــــــــــريّة

//

لَيسَ سَهلًا أن تُحِبَّ قصيدة
والسَّهلُ أبعدُ ما يكون
عَن القلوب الشَّاعِرة :

أنا رَغْم التَّعب يمكن لَوّ انّك دَرْب ما انهيتك
ألا يالّلي لحدّ الآن تجهـــــــل كيـــــف تبـــــداني

أنا والله ما أشـــــره علــــى كــــــــذبة مـــــــواقيتك
أنا يا للأســــف أشــــــره علـــــى شرهات بيباني

وحيـــدٍ كُلَّمــــا غفَّــــى ضجيـــــج النَّاس خطّيتــــك
كـــأنَّ الصَّمــــــت يكتبني علــــى روحـــك ويقراني

غَريبٍ لو شعرت الـــــودّ ياخذنـــــي على بيتــــك
أنا مــــدري متى كانــــت بلادُ الغُـــربِ أوطانـــي ؟!

ترى ما جيت أنا لجلك .. أنا لولاي ما جيتــــك
أحبّك مو على شانك .. أنا أحبّك على شــــاني


//

أُحبُّ الّذي مِثلي
يَمْدَحُ لونَ المَاءِ
ولَا يَراه :

لأنّ الشّعر لو تبكي عيونه صَعْـــــــب يجــــرَحني
أدوّر عن دموع النَّاس .؛. لَجل النَّاس وأذرِفها

قليل مـــن الشّعــــور الّلي كتبته كـــــان يشرحني
لِأنّي أكثــــــر الأحيان .. أشرح ناس ما أعرفها

//
فَـلْنَضع الشّعرَ جانِبًا
ونُجرّب فِكرَةَ الاصغاء
للفراغِ مَثلًا ..
للصَّمت ...
للَّاشيءِ..
وما شابَه ..،

أنا نصف الكلام اللي على قلبي بدون لسان
وأنا لسان الكلام اللي تجاهل ويــــــش جوَّاته

وأنا ذاك الحزين اللي على بال القصيد أحيان
يمرّر دمعته للنَّاس .. في ضحكة مجـــــازاته

//


تَنهيدَة الشَّاعر
قَصيدَة :


خَاطري مغرور حتَّى لـــــو يضيــــق
والزَّعل فيني ولــــد عَـــــــمّ السَّمــاح

وقلبي أكثر قلب .. حَسَّاس ورقيق
لو يطيح الدَّمع من جُوَّاه .. طَـــاح




سُرّى ♫