[ النطفة الأولى ]:

[خالد الداودي]

المشاركة الأصلية كتبت بواسطة خالد صالح الحربي

*
إهداء لخالد مطلق الردادي وبقيّة الأحرار وأنتم.
والسلام عليكم ورحمة الله وبركاته.

للباب.. للي يسولفن الدرايش
.. . للزلفة.. اللي قبلها كنت برّى .

للنطفة الأولى .. لميد الولايش
.. . للي تورّى شيّ.. " ما ينتورى ".

قل: العرى ولا تقول : العرايش
.. . اقرا المعرّي.. وانتبه لا تعرّى

لو في يدي سهمٍ من الخير طايش
.. . مع سبق إصراري على حين غِرّا

صوّبته .. وكان الوقا / والوقايش
.. . مُدان في حالة .. وحالة / مبرّا .

الأرض مليانة ( عيون) وخوايش
.. . سِرّي بها .. اللي ما توقّع يسرّى .

الذيب وردون السحايب عطايش
.. . ماعادها بلحيّة " جريٍّ مجرّى ".

خلّك " ثعل " كانك تبيها مقايش ..
.. . ترى العوى من كم سنة ما يطرّى

عايش وأنا مثلك على القاع عايش
.. . أبا أتدرى.. وأنت مثلي تدرّى .

حِفت الغنم لا شك ويش أنت حايش
.. . " وِزرك" وأنا في ذمتي ما آتزرّى .

الموت شوكة وأنت وإن كنت هايش
.. . ضرير من بد " الضواري : مضرّا "

لونك يذكّرني بصفار الحشايش
.. . لا هايفت ؛ قل لي وش اللي تحرى؟

ما تفهم الأبواب .. غير الدرايش
.. . والزلفة: اللي قبلها كنت برى!
🌹

حكم

ول مين

ل خالد الردادي ..ذلك المجنون المختلف

خالد صالح الحربي .. أنت تطرز النص بشيء يليق بمقام صاحبك
دمت وراف الحس .. عظيم المعنى