" تركي حمدان " وقلائد شعريه - منتديات أبعاد أدبية
 
معرفات التواصل
آخر المشاركات
(( أبْــيَات لَيْسَ لَهَــا بَيــْت ...!! )) (الكاتـب : زايد الشليمي - مشاركات : 15 - )           »          [ فَضْفَضَة ] (الكاتـب : قايـد الحربي - آخر مشاركة : زايد الشليمي - مشاركات : 75148 - )           »          فلسفة قلم .. بأقلامكم (الكاتـب : سيرين - آخر مشاركة : زايد الشليمي - مشاركات : 3845 - )           »          غياب القناديل (الكاتـب : أحمد عبدالله المعمري - آخر مشاركة : سيرين - مشاركات : 3 - )           »          تخيل ( (الكاتـب : يوسف الذيابي - آخر مشاركة : سيرين - مشاركات : 428 - )           »          ورّاق الشعر [ تفعيلة ] (الكاتـب : نوف الناصر - مشاركات : 5 - )           »          بُعدٌ جديد ! (الكاتـب : زكيّة سلمان - مشاركات : 1 - )           »          عَـيني دَواةُ الحـرفِ (الكاتـب : حسن زكريا اليوسف - آخر مشاركة : سيرين - مشاركات : 4 - )           »          " قلطة " : اقلطوا .. (الكاتـب : خالد صالح الحربي - مشاركات : 94 - )           »          اوراق مبعثرة!!! (الكاتـب : محمد علي الثوعي - مشاركات : 423 - )


العودة   منتديات أبعاد أدبية > المنتديات العامة > أبعاد أبعَادية > أبعاد المكشف

أبعاد المكشف يَفْتَحُ نَافِذَةَ التّارِيْخِ عَلَى شَخْصِيّاتٍ كَانَتْ فَكَانَ التّارِيْخُ

إضافة رد
 
أدوات الموضوع انواع عرض الموضوع
قديم 03-05-2009, 01:42 AM   #1
أكرم التلاوي
( شاعر وكاتب )

افتراضي " تركي حمدان " وقلائد شعريه


ودون مُقدمات إذ لا يحتاج لتقديم من كان في المُقدمه





الـنـشـيـج الـوطـنـي


لو نعرف حاصل ..
ضرب الحب فـ عرض الحيط ،
الظاهر نمسك راس الخيط !
أو .. راس الكلب الملعون الجاثم عنوة
في سكتنا !
لو مكة ما نـُفيت عنا ..
ما صار المنفى مكـتـنا !
ويا مكـتـنا ،
ياما كــُتـفـنا من جندي طيب ،
له سبع عيال .
السابع منهم يشبهنا ..
نفس الرهبة !
نفس النيران الملتهبة في عشب الثلج !
الباقي منهم ، جـا .. صورة
طبقا ً للنصل المتجذر .
لكن كـُتفنا في مخفر
جندي .. في مخفر كتفنا
جندي طيب ،
طيب للحد المتأرجح بين الثنتين :
البكر السهلة والثيب !
والسجن حكاية من جدران .
السجن مراية ما تنضح غير الحقران .
السجن بناية للهدم المرّ المقصود ،
لذبح الشمس لـ طمس الروح ،
لـ مزج العلقم بالبارود !!
ويادارة دوري فينا
دوري فينا ..
ونغيب وما حد ٍ ينفينا !
مانخضع مـّرة للتفتيش ،
الطيش يمـّر بلا جمرك ، ما نشرك بالورد
البخشيش !
نعيش !
نعيش !
ويادارة ..
دوري ، دوري ..
للحـّد المقرف يادارة ..
للحد الأكثر من مقرف ،
يمكن نعرف :
ليه الشارع يرمى في السجن
بكامل ناسه وحجاره ؟!
ليه المنفى بارد جـدا ً ؟!
كيف الوردة تصبح معدن ؟!
ويغيب الصبح ، وما نعرف :
من وزع منشور الذبح !؟
ومن فينا ناوي ينفينا !؟
ومن علمنا ناقف طابور :
" يا وطني سارع ياوطني
سارع
.. سارع "
صوت الجمع يدك الشارع
... قبل الأجساد
والكلب الجاثم محسود
وحنا الحساد !!

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 01:46 AM   #2
أكرم التلاوي
( شاعر وكاتب )

افتراضي


[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشمس من كبد السمـا تنـزف النـور=القيـظ سـال وموعـد الـفـي بـاكـر
وانا الذي كنت احسـب العمـر ديجـور=وارسـم قمـر وانـا معـه وانتسامـر
رسمتني / كان المدى ومـض بللـور /=حفنـة نـدى علـى جبيـنـه تنـاثـر
وارسم غصن ينبت على الغصن عصفور=يولد فضا .والقـى الطيـور اتكاثـر !!
واليوم انـا خـارج تواريخـي الـزور=متلحـف ٍ بالجمـر وآطــى خنـاجـر
أطرد ورى ظـل ٍ علـى القـاع منثـور=والقاه ظلـي شامـخ الـراس عاثـر !
حتى انـت يـا ظلـي معانـد ومغـرور=ترفض تعيش بعالـم الشمـس عابـر !؟
طاوعتني لا يا غبـي ماانـت مجبـور !=تحسبني أكبر مـن حقيقـة مسافـر !؟
تبت يد الجمـر ويـد الحلـم والسـور=والهجرة اللـي ،، مـا قواهـا مهاجـر
منفى .. تنامت به جثـث مالهـا قبـور=وبـلاد ،، تدفنهـا الجثـث و المقابـر
والشاعر المعشوشـب كنـوز وبحـور=لو هبـت الريـح ،، يتساقـط دفاتـر !
ما ادري متى .. او لي متى وانت مجدور=ياوجه الاشيا لي متـى وانـت كافـر !؟





[/poem]

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 01:48 AM   #3
أكرم التلاوي
( شاعر وكاتب )

افتراضي


[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]شجر حي الحبيبة .. مـا يبـي مـا=يمـر ابـنـا الخـريـف ومــا يـمـره

وشارعهم .. لـو ان الكـون ظلمـا=كــأن الـشـمـس حـولــه مسـتـقـرة

ومنزلـهـا .. كـأنـه غـصـن ينـمـا=أو ان الغـيـم مــن سـقـفـه يـجــره

تموت الروح مـن دونـه / ومهمـا=رقــــت مــــا تـاصــلــه لله دره !

وفي حي الحبيبة .. شيـخ ٍ اعمـى=سألتـه عـن مـلاك الحـسـن مــرة

تبسّـم .. قـال : تملـك عـدة اسـمـا=وملبسـهـا خفـيـف ومــا تـــزره !

يا إن الشيخ يكذب ما هو اعمى !=يا إن الحسـن خـلا العيـن حـرة ! [/poem]

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 01:54 AM   #4
أكرم التلاوي
( شاعر وكاتب )

افتراضي


هذا انا .. ماآريد حظـي ماارتجيـه
,,,,,,,,,,,,,,,,,,,,,,,,,, هـذا انـا وآمـد كفـي لاعطانـي
واعشق اليوم الذي ماعشـت فيـه
,,,,,,,,,,,,,,,,,,,,,,,, واكره اللي مر لـو ماهـو زمانـي
كل شي ٍ ماعرفته .. صـرت ابيـه
,,,,,,,,,,,,,,,,,,,,,,,, دام كـل اللـي عرفتـه مابغـانـي
المكان استحقـره .. وارجـع إليـه
,,,,,,,,,,,,,,,,,,,,,,,, والزمان اتعبنـي بوخـز الثوانـي
واستريح ان عاث شعري بالوجيـه
,,,,,,,,,,,,,,,,,,,,,, لارميت البحر واصطـدت الموانـي
دفتري لاجيـت ابكتـب بـه يتيـه
,,,,,,,,,,,,,,,,,,,,,,,, ينثر اوراقه يقـول اطـرب كيانـي
يحسب ان المبتلـى صـب ٍ سفيـه
,,,,,,,,,,,,,,,,,,,,, يحسب اني غارق فحـب الغوانـي
لو درى الدفتر وش اللـي يحتويـه
,,,,,,,,,,,,,,,,,,,,,,, كان مات مـن الخجـل ولا بكانـي
والله ان الحـب قلـبـي يشتهـيـه
,,,,,,,,,,,,,,,,,,,,,,, لكن الغربـة خـذت كـل المعانـي
والصبايـا مابهـن تـرف ونزيـه
,,,,,,,,,,,,,,,,,,,,,,, يشبـه لنفسـي ويحتـاج لحنانـي
من شبيهي يوم كـل ٍ لـه شبيـه؟!
,,,,,,,,,,,,,,,,,,,,,, حسبـي الله كـان مـت ولا لفانـي
ياخيالـي سافـر وخـلـك نبـيـه
,,,,,,,,,,,,,,,,,,,,,,,, لا تخـاوي حيرتـي خلـك انانـي
رح بعيد ابعد مـن اللـي نحتريـه
,,,,,,,,,,,,,,,,,,,,,, رح لعالـم تسكنـه سـود الامانـي
وان صدفت الموت سلم لـي عليـه
,,,,,,,,,,,,,,,,,,,, واعرف اني ذاكره .. لو هو نساني
رافض ٍ هالموت يبسـط لـي يديـه
,,,,,,,,,,,,,,,,,,,, قال : ماافني شاعر ٍ مولـود فانـي

آآه مني .. ليت لي زيـف اكتسيـه
,,,,,,,,,,,,,,,,,,,,,,,,, او بعـد ياليتنـي انسـان ثـانـي
مابقـى فينـي ولا شـي ارتضيـه
,,,,,,,,,,,,,,,,,,, وش بلاني كل مافينـي جفانـي !؟
ياخيالي ضقت انا من كثـر " ليـه "
,,,,,,,,,,,,,,,,,,,, والحقيقة اني اكثـر مـن عصانـي
واحتقـر طينـي واذمـه وازدريـه
’’’’’’’’’’’’’’’’,,’’’’’ واحترم وقتي .. ولو هو مااحتواني
احتـرم هالوقـت .. لانـي مبتليـه
,,,,,,,,,,,,,,,,,, للآسف .. لولاي .. يامحلى زماني !

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 02:05 AM   #5
أكرم التلاوي
( شاعر وكاتب )

افتراضي


[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الرصـاص الـلـي حسبـتـه ثمـان اعوام طايش=ما دريـت انه تـخـيّـر من ظـلـوعـي مقـيل
كنت احسـب انـه تعـدى .. وانــا لازلـت عـايش=اثـرني مـن يـوم شـفـتـه وانا جـثة قـتـيل
ياعـلـي والارض قـامت تـطـيـح مـن الـدرايـش=والـسمـا قـامـت تـمـايل وانا عـيـيّت امـيل
ويـش ابي من حب سلمى هذيك ام الغـوايـش=لو لـيـالـيـهـا قـصـيره وجـادلها طويل
حـبهـا صبّـار يـنـبـت تـحت ظل الـعرايــش=جامـدٍ مـا فيـه شرفه ولا حــولـــه نـخــيــل
وانـت تـدري كيـف صـدري من الحرمان حايش=لا مـحبه مـسـتـتـبـه ولا هجـرٍ جميـل
حـتى انــا والقلـب قلبي ونبضـاتـه عطـايش=ما سقيـته غير دمـعه .. وعيّت لا تـسـيـل !
الـثرى لولا المـواعـيـد .. عـرش ٍ لـلـولايـش=والـسمـا لولا العصـافـيـر .. عـش ٍ لـلـعـويل[/poem]

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 02:09 AM   #6
أكرم التلاوي
( شاعر وكاتب )

افتراضي


ضويت الشمعه الحمرا مثل فكـره
,,,,,,,,,,,,,,,,,,,,,,, ولاعبهـا النسيـم ولعبـه يسلـي

يخليهـا وترفـع راسهـا كـبـره
,,,,,,,,,,,,,,,,,,,,,,, ويلفحها وتحنـي راسهـا تصلـي

وقام الضي ، يرقص داخل الحجرة
,,,,,,,,,,,,,,,,,,,,,,,, يفز وينحنـي ليـن ارتبـك ظلـي

فراشه من ضيا ما صادفت زهـره
,,,,,,,,,,,,,,,,,,,,,,, وانا صادفت غربـه مثلهـا مثلـي

فراشة ضي ، لالا ، شرشف القمره
,,,,,,,,,,,,,,,,,,,,,,, يهفهف والنسيـم يغيـر ويولـي

ويشتب الفتيل ، أكثر ، مثل جمره
,,,,,,,,,,,,,,,,,, واشوف الشمعه الحمرا تناظرلـي

وتذرف دمعها قطـره ورا قطـره
,,,,,,,,,,,,,,,,,, وانا ادري ما بكت من همي وغلي

ولو تبكي علي ما بي من الحسـره
,,,,,,,,,,,,,,,,,,,,,, تناثر دمعها مثـل المطـر لأجلـي

لا يا حيرتي ، والليـل يـا كثـره
,,,,,,,,,,,,,,,,,, علام الشمعه الحمرا ، بكت قبلـي

أنا مبطي جريح وبا انجرح بكـره
,,,,,,,,,,,,,,,,,,,,,, انا عفت الزمـان وعافنـي خلـي

أنا كلي حزيـن ولا قـوَت عبـره
,,,,,,,,,,,,,,,,,,, توادع ناظري ، تبكي علـي كلـي

ياليت أبكي ، ياليت أعود للفطـره
,,,,,,,,,,,,,,,, وانا ادري جفني بدمع القهر مملي

ولكن حيلتي مـن عزتـي زفـره
,,,,,,,,,,,,,,,,,,,,,,, انا مـا اريدهـا ، لكنهـا تسلـي

لو احسبها تقيـد الشمعـه ببكـره
,,,,,,,,,,,,,,,,,, لو أعتقها ، تعود الشمعـه تصلـي

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 02:12 AM   #7
أكرم التلاوي
( شاعر وكاتب )

افتراضي


إهداء :
إلى وطني : المملكة العربية السعودية ، قيادةً وشعباً .
في الذكرى الرابعة للاعتداء الإرهابي في شارع الوشم مطلع العام 1425هـ

السعوديّة

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بسم السَّلام . السَّلام . الأرض ذات الوتَد= والأمـن بايدي رجالٍ .. فاللوازم .. أسُـود
والطغمه الفاسده .. وَحـاقد وْ ما حَقَـد=شِف نصفهم بالقيـود .. ونصفهم باللحـود
تبَّـت يديهم .. ألاَ .. تبَّـت يديهم .. بَعَـد=نجسـين الايدي .. مجازية الوفـا بالجحـود
يا شارع الوشْم .. تغشاك السحايب .. بَـرَد=من جود .. رب السما .. جود السحايب يجـود
الشارع اللي على اطرافه .. لمحنا الحَسَـد=والحقْـد .. واللا وفـا .. والكره حدّ الجمود
معقول .. فوق البلاد الطاهره .. فيه احـد=يرضى لها .. بالذي تسعى إليه اليهـود ؟!
يخسى .. فلا هو لنا ينسب ، ولا كان ابـد=.. منّا ، ولا هو ربى معنـا . غريب الوجود
عنْه الجنوب ارتقى .. عنْه الشمال ابتعـد=والغرب عنّه سمـا .. والشرق عنّه يـزود
هو يحسب انه .. إلى منّه .. تناثر : جـسد=يسلم من العاقبه ؟ إذن ستسلم ثمـود !
خذها كذا .. ما تبي عالِـم ولا مجتهـد :=من خـان داره .. قراره في جهنـم .. خلـود
و" الحكم لله ولآل سعود ".. هذا عَهَـد=.. مِنّـا ، وحنّـا نموت .. ولا تموت العهـود
من ساحل البحْـر الأحمر .. لا يردك حمـد=ومْن السماوه .. قبل بحر العرب .. لا تعـود
دارٍ رفعها .. وأحيـا مجـدها .. والتـلَد=عبد العزيز السعـود ابن الإمام السعـود
عبد العزيز .. الأبيّ ، الحرّ ، طير السَّعَـد =زيزوم نجـد .. و فخَر شبه الجزيرة .. و زود
ليثٍ .. يخوض الجموع .. ولا حسبها عـدد=سيفه بكفه سَنـَد .. ومن السما له جنـود
وحَّد بـلاد .. و بنى ملكٍ عظيم .. و سجـد=.. لله خاشـع . وهو تخشع لذكره حشـود
عبد العزيز .. السخا .. غيثٍ غزير المـدد =يعطي بْليا وعَـد .. لا بارق ولا رعـود
لو حملهن .. كل يوم .. وكل ليلة .. ولـد=ما ينجبنّ النسا .. مثلـه .. عريب الجـدود
في جنة الخُلد .. بامر الله .. مع من خَلَـد=مع النبي والصحابه .. تِسكنه .. يا ودود
نحيا بظل السعـود .. ملوكنـا .. للأبـد=حكّام شبه الجزيره .. غيرهم ما يسـود
هم خير من وحَّـد الرحمن .. فردٍ صـمد=واعـزّ من كرّس الرحمـه .. واقـام الحـدود
في مدحهم : وصفهم . هم مدح للّي قصـد=والشِّعر .. فيمن سواهم .. وابـلٍ في نفـود
والمملكة .. في ذراهم .. في أمـان ورَغَـد=والعالم .. اكثر شعـوبه .. في شتات وجمـود
الروم في غيّها .. والغيّ ياما حصد=والفرس في حقدها .. "تبت يدين الحقود"
فاحذر من الفرس .. ذولا .. هم مجوس النكد=والنار .. هي ربهم .."لا يملكون الوقود"
والمملكة : عـزّنا .. والعزّ .. يبغى جَهَـد=والخير في دارنـا .. والخير .. يلقى حسـود
والحمد للي رفع سبع السما بْلا عمد= الأمـن بايدي رجالٍ .. فاللوازم .. أسُـود
والطغمه الفانيه .. واهل الغدر والحسَـد=شِف نصفهم بالقيـود .. ونصفهم باللحـود
من جهلهم .. نادَوا الفتنه .. وعيّت تـِرد=هـزّوا جدار .. و نمـا / على قَهَرهم / ورود
هزّوا جدار .. افـ بَلد .. لكن ما هزّوا بلـد=تخسى هذيك اللحى .. تهزّ دار السعـود[/poem]

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
قديم 03-05-2009, 02:13 AM   #8
أكرم التلاوي
( شاعر وكاتب )

افتراضي


[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
مدينة احلامنـا .. فيهـا شجـر ليلكـي=والحبهان ارتكى .. فيها .. على مبتـداه
تخيلي الحبهان .. من الفرح .. مرتكي !=بالفعل .. مشهد يثير الشوق والانتبـاه !
وانا اقطف المستحيل .. اخضر وامده لكي=وانتي تقولين : تسلم لي وانا اقول : آه !
لا تحسبين القصايـد كـل ابوهـا حكـي=أنا إذا قلت آه .. بـقافية .. قلـت آآه !!
وانا ، ولا اعوذ من كلمة أنا .. مشتكـي=من كثر شوقي واخاف الشوق ياخذ مـداه
والحب ما هو عبادة .. حاولـي تدركـي=إني .. بحبك وصلت لـحد كره الحيـاة !
يا سيدة حلمي الطاهر نقشـت اسمكـي=.. في مهجتي ، وانتثر دمي و دمعي معاه
والحبهان ارتكى .. وابتركـه .. يرتكـي=تكفين لا يرتكي .. فجأة .. على منتهاه [/poem]

 

التوقيع

وشلون لا نمتي على صدر مغليك
وخاف ايتنفس يوقظك من منامك

ما بذَّر انفاسه لجل ما يصحيك
وشلون خفتي لا يبذِّر غرامك !

أكرم التلاوي غير متصل   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:13 AM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2024, Jelsoft Enterprises Ltd.