يووووه : [ يـا جوّك يـا الريااااااض ..!!!

[هيفاء الزامل]

وهذي قصة المطر في الرياض .. يقولون [ سماك تبكي يالرياض وأرضك محمية بفخر ] .. 11 مارس





في الليالي الوضح ..

والعتيم الصبح ..

لاح لي وجه الرياض ..

في مرايا السحب ..

كفّها فلة جديله من حروف ..

وقصة الحنا طويلة .. فـ الكفوف

من نده عطر الرفوف ..

لين صحاه ..

في ثيابك يا الف ليله..

وفي الهبوب ..

انثنينا يا هبوب النعاس .. والحلم ..

ألف غصن من اليباس ..

فز لاجلك .. وانثنى ..

اكسري الاوهام كاس ..والمواجع فم

وان عشقتيني انا ..

ما ابي من الناس .. ناس ..

ما علينا .. لو طربنا وانتشينا

آه .. ما ارق ( الرياض ) تالي الليل ..

انا لو ابي ..

خذتها بيدي .. ومشينا ..


* البدر *





الله يمسي ديـرة الخيـر بالخيـر
الله ينـورهـا ويـجـلا ظـلامـه

عسى السحاب يمرهـا بالتباشيـر
يهـل مـن وادي لبـن للثمـامـه

قلت الرياض وانكشف سر هالبيـر
قلته وناحت وسط صدري حمامـه

قلت الرياض وطار من مهجتي طير
مشتاق لـه والقلـب زايـد هيامـه


* ؟؟؟ *

[ من تصويري ]

.

 

[ميسون الرملاوي]

ما شاء الله

اللهم اجعلها سقيا خير

التقاطاتك مذهلة / ماطرة هيفاء

سلمت الأنامل

 

[ميــرال]

يسعد الرياض وجو الرياض واهلها
البرد هذا جناني ياهيفاء
ماشاء الله تبارك الله

 

[نواف العطا]

ما شاء الله
رائع التصوير يا هيفاء
هالامطار بالعليا يقولون انا بالسليمانيه ما شفت الا رش وغبار
لكن لها حول النص ساعه الىساعه ترش بعد الغبار
والان رعد وبرق ورش خفيف

 

[هيفاء الزامل]

ميسون الرملاوي

حضورك يبهج كالمطر



ميرال

قلبك كالبرد الأبيض والرياض بكل تأكيد تحب من يحبها


نواف العطا

كهدية الرحمن بالمطر وجودك .. وصراحة اجواء السليمانية غريبة : ) اغلب الجهات مطر وبرد





.

 

[عبدالله العويمر]

تصوير جميل ياهيوووف



حنا حول مسجد الراجحي ماجا شي

 

[نواف العطا]

هيفاء توها بدت تسحب وترش
مره خفيف ومره جامد اوي ههههه
مستاجر شقه وفاتح الشباك اتامل المطر وخلق الله

 

[ماجد العيد]

رائعة جداً يا هيفاء ..
أشكرك كثيراً ..