احساس مجهولـ

[حنان آل فاضل]

بحجم وفائكم عذراً لتقصيري

[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من عام الأول.. نبض الإحساس مجهول=كنه غريب ..ٍ داخلي تــــــــاه فيني
ذبلت ورودي..وانثنى العود مقتول =وهبت رياح الحزن .. ترثي سنيني
ليل ٍ يعاني.. واشرق الصبح مذهول =صبح ٍ تمنى.. حيل بينه وبيــــني
موعد لقا.. ياللأسف دون مسؤول = ضاع المكان..وخطوتي تحتريني
تاخذني اقدامي.. وتقطعْ بي سهول=مـــره تسير.. ومره تقول ويني
ارجع معي .. وأقول يــاالدرب معقول=معقول.. هــذا اللي أشوفه بعيني
اقرب من أطرافي ..وهي عني جفول= اطرد سراب ٍ ..وسط راحة يميني
المسأله أكبر..مــن إفهام العــقــول=المسأله جـــرح ٍ..يقول اعـربيني
المشكله نفس ٍ.. ضعيفه بلا حول=عادة مساريب النفس..تشتكيني
حتى الوفا ؟في وقتنا صار مخذول=والصدق لو ينطق..يدنــق جــبيني
ياليت تفكيري.. عن الناس مشغول=وارتاح في دنياي ..كــانت تبيني
لا همني طــفل ٍ ولا حال معضول= ولا همني وضع ٍ..شــرق به حنيني
أحسن من إني فاهمه..واكتم القول = بين العرب..ماعــاد ينـفـع عضيني
كل ٍ تسيّد.. لكن الـعـقل مفــصول=وقول الحقيقه .. في زماني اشتميني
آنا وحرفي.. نحسن الفعل والقـول=واغلب حــروفي..إن عصاني يجـــيني
واكبر ذنوبي مرسـم ٍ .. خــط مرسول= راح.. الورق يشكي.. قساوة يديني
ارجع وأقول اكبر من إفهام العقول = المسأله جـــرح ٍ ..يـــــصـــيح أنقذيني
[/POEM]

 

[عادل بدر]

حنان آل فاضل
أنتِ نموذج للشعر النسائي الناضج إن جازت التسمية .
مشكورة والله يسعدك .

 

[الغيد بنت فواز]

المسأله جرح ٍ يقول : اعربيني !

-


وبحجم جمالك - ووعيك - أتيتِ يا حنان
نص يلامس المشاعر ولا اجد ما اقوله الان ..!
لكني متأكده من اني سأغلق الصفحه - { واجدها } تتكرر في صمتي ..!


-


احترامي لك

 

[خالد العقيل]

حنان آل فاضل
سعيد بــ مروري هنا
ومصافحة هذه الباذخة
تقديري

 

[محمد السالم]

حنان الشعر

أنا سعيد بتواجدي في هذا المتصفح

الملئ بالشعر

مساءك شعر

 

[عبدالمحسن الطليحي]

الفاضلة !!
وكم اشتقت إلى هذا النبض أٌخيّتي

شكرا ًلأبعاد بحجم علوك ..

 

[عبدالعزيز رشيد]

حنان آل فاضل
لن أخفيك هي الأجمل لك , وهي من أجمل ماقرأت
أتت واثقة الخطوة تمشي وتركت من خلفها آثار أبياتٍ واضحة بِك
رغم أُلفة الموضوع إلا أن الأبيات أتت بجديدٍ من وسط زحام الأفكار
مدهشة وأكثر أختي أبيات تطرح تساؤلات القلق بجمال
وخصوصا :
موعد لقا.. ياللأسف دون مسؤول
ـــــ ضاع المكان..وخطوتي تحتريني
تاخذني اقدامي.. وتقطعْ بي سهول
ـــــ مره تسير.. ومره تقول ويني
و
اقرب من أطرافي ..وهي عني جفول
ـــــ اطرد سراب ٍ ..وسط راحة يميني
المسأله أكبر..من إفهام العقول
ـــــ المسأله جرح ٍ..يقول اعربيني

 

[حنان آل فاضل]

المشاركة الأصلية كتبت بواسطة عادل بدر

حنان آل فاضل
أنتِ نموذج للشعر النسائي الناضج إن جازت التسمية .
مشكورة والله يسعدك .

القدير عادل بدر

الله يرفع قدرك
والف شكر لكرم تواجدك

لاهنت